Cooperativa afectado kan Malampaya shut down

March 9, 2017

 

Bako lang an ibang cooperativa nin electricidad an kabale sa mga afectado oras na mangyari an Malampaya shut down ngonian na bulan nin tag-init envez maging an Casureco II.

Kun magpalangkaw nin tarifa nin corriente an saindang mga power supplier, ipapasa man kan cooperativa an dugang na singil sa tarifa sa consumedores alagad kun magbuelta sa dating singil liwat mahuros an tarifa, sabi ni ISD Manager Rolando Pante.

Naglalaom an Casureco II na mayong mangyayaring mahiwas na brownout na sisimbagon na ini kan saindang mga power supplier.

Sa ngonian kabale sa saindang power supplier iyo an  San Miguel Energy Corporation, WESM, Masenloc asin Bicol Mini Hydro.

Ngonian na bulan nin Febrero 2017 naghuros an saindang tarifa na nag-abot na sana sa P7.58.35 kun itatampad kan Enero nagpapako sa P9.21 cada kilowatt hour. Haros cierto na an pinaluwas na patanid na shut down na maresulta sa pag-ulanto kan tarifa sa corriente, sabi pa.

Sa kaparejong entrevista, sinabi pa kan cooperativa na saindang pig-aambisyonan na makasakat na sa category A kun marealisar an padagos na pagbaba kan system loss na sa presente igwa na sanang 13.7 por ciento asin mapalangkaw an collection efficiency na nag-aabot pa sana sa 95 por ciento.

Kun dai naglamasa si bagyong ‘Nina’ na milyon pesos si destroso sa cooperativa naabot na ninda an Category A, sabi pa.                                                                                             (DPA)


 

Share on Facebook
Share on Twitter
Please reload