GHB program piglansar sa tercer distrito kan CamSur

March 9, 2017

 

Nadaog man an tercer distrito kan Camarines Sur sa desisyon contra sa pagbuhay kan congreso sa death penalty bill alagad piglansar man an Gulayan Habang Buhay (GHB) program ni Congresista Gabriel H. Bordado Jr., katabang an Departamento de Agricultura.

An GHB (Urban Container Agriculture), na pigtulod kan congresista tanganing matabangan an lambang familia na limitado an espasyo para magtanom nin gulayon.

An programa ginibo kan Sabado, Marso 4 sa SM Even Center na inatendiran nin maabot sa 700 na mga miembros kan Lakas ng Kababaihan, oficiales de barangay, oficiales lokal

kan tercer distrito asin iba pang residentes na presente an  oficiales kan DA, Alcalde John Bongat, Consejal  Julian  Lavadia   Jr., pamayo kan Committee on Agriculture sa Sangguniang Panlungsod kan Ciudad nin Naga.

Sinabi pa na an GHB program bilang Kasimbagan sa problema nin kagutoman asin nutrisyon, Dagdag sa hanap buhay kan familia, madaling gibohon sa natad kan lambang harong asin Tabang sa pagbawas nin basura.

An programa makakatabang sa limitado an espasyo o natad nganing makatanom nin ano man na gulayon mantang magamit sana nin masitera, pueding lata asin plastic asin ipapasunod an organikong pagtanum.

Sa mensaje ni Bordado, saiya munang nasambitan na  piglaban  niya an desisyon kan tercer distrito contra sa pagbuhay kan death penalty bill sa congreso alagad dinaog sinda sa ika-duwang pagbasa.  ‘’Nagtutubod kita na an kagurangnan iyo an may deretso na magkua nin buhay ta siya man an nagtao sato nin buhay’’.

An congresita antes nagdesisyon sa pagvoto contra sa death penalty bill saiyang pigconsulta an manlaen-laen na sektores kan tercer distrito na 80 por ciento sa sainda an nagcocontra sa House bill 4727 na saiyang dinara an voces sa ika-duwang pagbasa kan bill.  

Alagad tinawan niya nin duon na nadaog man sinda congreso yaon man an Gulayan Habang Buhay Program.                                                                                                                               (DPA)
   






 

Share on Facebook
Share on Twitter
Please reload