24-km pagbisikleta pinangenotan ni VP Robredo en onra ki Jesse

August 24, 2017

 

Pinangenotan ni Bise Presidente Leni Robredo an 24-kilometros na pagbisikleta bilang paggirumdom sa ika-limang aniversaryo na pagkagadan kan saiyang dipuntong esposo dating alcalde asin DILG Secretary Jesse M. Robredo.

An pagbibisikleta na saro sa mga tatak kan saiyang esposo sagcod kan saiyang huring mga aldaw sa DILG antes nagadan sa aksidente sa pagbagsak kan eroplano na saiyang piglulunadan pauli sa Ciuad nin Naga kan Agosto 18, 2012.

   Ipinahayag sa miembros kan media kan bise presidente ‘’Ito ay ginagawa to commemorate the death anniversary of Jesse, pero isinusulong pa din natin iyong mga paniniwalang pinaniwalaan niya noong siya ay nabubuhay pa. Kabahagi na ito iyong freedom’’.

An actividad ginibo kinaagahan na inaapod na Freedom Cycle-pedal like Jesse nagpuon alas 6:00 nin aga hale sa natad kan City Hall asin naglibot sa mga itaas na barangay kan ciudad asin buelta sa sa City Hall.

Nagsabay sa Freedom Cycle sinda Senador Kiko Pangilinan, Alcalde John Bongat, Bise Alcalde Nelson Legacion asin an maabot sa dos mil na mga sikleta gikan sa Ciudad nin Naga, Camarines Sur, Camarines Norte asin Albay.

An mga organizers kaini iyo an Friedrich Naumann Foundation for Freedom (FNF) Philippines, Oficina kan Bise Presidente, LGU Naga, asin Kaya Natin: Movement for Good Governance and Ethical Leadership.

Sinabi pa ni Robredo sa press conference na ginibo sa Blue Room kan City Hall an tsinelas asin pagbibisikleta saro sa tatak kan saiyang dipuntong esposo na iyo an nagsisimbolismo na dapat maintindihan kan tawo na pig-gigirumdom na naging matibay sa ngaran na public servant, dai nagpapayaman asin nagpapadagos sa simpleng pamumohay, sa heling ko ini an pinaka-legacy niya.

‘‘Yung kahusayan, marami naman na mahusay, pero naging pinakatapat talaga, puwede naman pala maging mahusay na public servant’’ sa heling ko ini an tatak niya’.

Saiyang inomaw an mga opisyales lokal kan City Hall sa pamamayo ninda Alcalde John Bongat, Bise Alcalde Nelson Legacion huli kan pagpadagos kan mga legacia kan saiyang dipuntong esposo.

Sinabi pa na digdi sa Naga natuod na kan praktis sa good governance na anas simple an saindang pagbuhay asin marhay na lider.

Pigpapadagos kan ciudad an legacia ni Secretary Robredo, yaon na an Naga Bicycle Ordinance ni Bise Alcalde Nelson Legacion asin mga programa para sa Nagueños asin an freedom cycle saro ini sa katuyohan asin paggirumdom kan saiyang mga marhay na naginibohan sa ciudad asin bilang alcalde asin DILG Secretary, sabi ni Consejal Ray-an Cydrick Rentoy.                                                                                     (DPA)





 

Share on Facebook
Share on Twitter
Please reload