ISYU SA PANGGAGADAN KI KIAN: Tirona: Tama na, sobra na

August 24, 2017

 

Huli kan sunod-sunod na mga pang-gagadan sa giyera laban sa ilegal na droga, an Archidiocesis nin Caceres sa Ciudad nin Naga nagbale na sa mga nagkokondenar sa paggadan sa diecisiete (17) años na si Kian Loyd Delos Santos asin nagpatanid na dapat mapundo na ini, ‘’tama na, sobra na’’.

‘’Nakakalungkot at nakakasuklam at we condemn the highest form yan pangyayari naganap sa pagpaslang sa 17 años, we cannot justify them’’ pahayag ni Arzobispo Rolando Tria Tirona sa entrevista kan media sa Naga sa ginibong launching of Ina nin Penafrancia mobile  APP and press presentation kan mga escuelahan na nag-ayon sa 4th Penafrancia  short film  festival na ginibong kan Agosto 21.

Bako nang makatutubod an saindang mga paliwanag dai na dapat mangyari ini kaya saiyang kinokondenar.

Para sa magurang ni Kian, para ki Kian orog na sa mga tawo na-ngangapodan nin justicia para sa biktima dai dapat kita magturog-turogan, dai puede kita ‘’magtamimi’’ huli ta nasasayang an futuro kan aki.

Kun mayo kitang halaga sa mga aki asin ginagadan na garong orig asin manok dai puede yan, tama na sobra na, sabi pa kan Arzobispo.

An ibang simbahan kan Caceres nagkakaigwa

man nin pagbatingting kan saindang kampana hasta sa Peñafrancia fiesta alagad puede pang maglawig arog kan pigpunan ni Lingayen, Dagupan Archbishop Socrates Villegas na cada alas 8:00 nin banggui sa laog nin quince minutos para sa pagpangadiye sa mga biktma kan madugong giyera contra droga.

Si Manila Archbishop Luis Antonio Cardinal Tagle asin nagkapera nang diocesis an padagos nagkokondenar asin nag-aapelo sa mga responsableng awtoridad na pundohon na an mga pang-gagadan lalo na sa mga inocenteng biktima.

Nagkapera sa mga nag-ayon sa 4th Peñafrancia Short Film Festival afuera kan pagtaong tema sa halaga sa Christian value sa pigsumiter nindang entries kabale sa pigtawan duon an isyu sa terorismo,  mga pang-gagadan asin extra judicial killing.

Sa Naga City Police Office, sinabi kan parataram na si SPO2 Tobias Bongon dapat magkaigwa nin credible investigation asin halaton an resulta kan investigasyon mientras na dai na muna nagtaong comento huli ta mayo man sinda sa ginibong drug operations sa Ciudad nin Caloocan asin dai ninda aram an katutohanan.

  Sinabi pa na sa NCPO dai ninda pigtotolerar an salang gawi asin base sa ley kun nagcoconducir nin mga drug operations.

   Sinda Senador Bam Aquino, Riza Honteveros asin Kiko Pangilinan kan makuanan entrevista kan media sa Ciudad nin Naga nagpahayag na saindang kinokondenar an pang-gagadan sa menor de edad asin saindang huhuroton na magkaigwa nin senate investigation nganing maaraman an katutohanan.

  An tolong mga senador nag-atendir sa pag-comemorar sa ika-limang aniversayo sa pagkagadan ni dipuntong Alcalde asin DILG Secretary Jesse M. Robredo kan Agosto 18.                                               (DPA)






 

Share on Facebook
Share on Twitter
Please reload