Pignombrahan na director kan NIA pinapahali ki Duterte

September 14, 2017

 

Masumiter an grupo ni Silvestre Bonto, Presidente kan National Confederation Irrigators Association  nin  petisyon na minahagad ki Presidente Rodrigo Duterte na bawion an pagkaka-nombra ki Gregorio Sarmiento bilang miembro kan junta deriktiba kan National Irrigation Administration na dating kinapotan ni Bonto kan panahon ni Presidente Benigno III.

Kinu-kuwestiyon ni Bonto an kuwalipikasyon ni Sarmiento na dating  presidente kan Parent Teacher Association, Varsity Player asin dai man naging  lider nin anuman na organisasyon nin para-oma .

Kun magpapadagos  na matukaw sa junta kan NIA si Sarmiento, mawawaran nin representante an mga paraoma para suportahan an saindang mga programa.

Idinagdag pa ni Bonto na nakabugtak sa NIA Charter, na an matukaw na miembro kan junta deriktiba sa NIA dapat hale sa organisasyon kan mga sektor nin paraoma siring kan NCIA na saiyang pinag-kakapotan ngonian.

An isusumiter na petisyon kan nasabing grupo an pirmado man kan otsenta y singkong  Presidente kan Provincial Irrigators Association sa bilog na nasyon. Ini iyo si mga nag-atendir kan ipina-apod na General Assembly kan Irrigators Association.

Kun  igwang   nababagayan na opisina si Sarmiento, ini iyo an PAGCOR, BOC asin PNOC.

Mayo man nahihiling na problema si Bonto kun kadaklan sa mga ka-klase ni NIA Administrator  Ricardo Visaya na dati man mga Heneral  an naka-puwesto ngonian  sa NIA.                                                                                                                            (Melvin Machado)






 

Share on Facebook
Share on Twitter
Please reload