Seminar sa manga deretso, pribilehiyo tinukdo sa PWDs

November 10, 2017

 

An Committee on Person With Disability (PWD) sa Sangguniang Panlungsod sa Ciudad nin Naga sa pamamayo ni Consejal Elmer S. Baldemoro nagpadreno nin sarong aldaw na seminar nganing

maaraman kan mga stakeholders lalo na kan PWDs an saindang deretso asin pribilehiyo.

An Seminar on Laws and Issuances on Person With Disability ginibo kan Noviembre 8, 2017 sa Naga Regent Hotel na an mayor na lecturer iyo si Rizalio Sanchez, Information Officer kan National Council for  Disability Affairs.

Si Sanchez iyo an nagpaliwanag kan mga mandato asin deretso kan Person With Disabilities na digdi nadagdagan an kaaraman kan sinambit na sektor asin kan iba pang ahencias na katuwang kan lokal na gobierno kan ciudad sa mga programa kan PWDs.

Presente sa seminar iyo an mga representante kan Naga City Police Office (NCPO) TESDA, DOLE, DPWH asin iba pang ahencia na nagsusuporta sa City Hall kan mga programa sa sinambit na sektor, sabi pa ni Baldemoro.

  Kabali sa lecturer iyo si Ms Ana Christine Soriano kan DOLE Camarines Sur na nagpaliwanag kan PWD employment rights and privileges mantang an chairman kan Committee on PWD sa Sangguniang Panlungsod iyo man an nagtukar kan local legislations for PWDs.

Si Christopher Molin, OIC kan Naga City Persons With Disability Affairs Office (PDAO) nagtukar kan mapadapit sa legal basis and roles of the Barangay Association of Persons with Disabilities (BAPDA)

Nagkaigwa pang action planning asin presentation of action plan antes natapos an programa.                                                                                                            (DPA)



 

Share on Facebook
Share on Twitter
Please reload