Divorce bill isinikwal ninda Bordado, Fortuno

March 22, 2018

Saro an panindugan ninda Congressmen Gabriel Bordado Jr. kan tercer distrito asin Salvio Fortuno kan ika-limang distrito parejo kan provincia nin Camarines Sur sa pagvoto contra sa divorce bill asin dissolution of marriage na nakalusot na sa ika-tolo asin pinal na pagbasa sa Camara-Baja.

An kahalagahan kan familia orog na an mga aki iyo an apektado kun magsusurowayan an mag-agom, mas marhay man giraray an maggiya sa sainda an tunay na magurang.

Afuera pa kaini, si Bordado nagconsulta sa nagkaperang tiripon sa tercer distrito kan Camarines Sur na saiyang pigkua an pulso kan tawo na mayoria man giraray an nagsisikwal kan divorce bill.

An kasagradohan kan kasal mahalagang marhay, sabi pa.

Sa ginibong vorotohan sa congreso arog kaini si paliwanag ni Bordado sa saiyang pagvoto contra sa divorcio.  Mr. Speaker, aside from the fact that majority of my constituents in the 3rd District of Camarines Sur — the seat of Roman Catholicism in the Bicol region are against divorce, I am keen on upholding sections 1 and 2 of Article XV of the 1987 Constitution-that ‘the state recognizes the Filipino family as the foundation of the nation. Accordingly, it shall strengthen its solidarity and actively promote its total development’ and that ‘marriage, as an inviolable  social institution, is the foundation of the family and shall protected by the State.’ In other words. Mr. Speaker, it is about MAINTAINING THE SANCITY OF THE FAMILY AND PROMOTING THE WELFARE OF THE CHILDREN WHO WILL BE CAUGHT IN THE CROSSFIRE, SO TO SPEAK, IN CASE THE WARRING PARENTS PURSUE DIVORCE PROCEEDINGS. I am, therefore, voting No to Divorce. Thank you, Mr. Speaker.

An saiyang ginibong consultasyon sa divorce bill asin dissolution of marriage pigsusuportaran kan simbahan catolitco maging kan Evangelical Church (United Church of Christ in the Philippines).

Enot nang sinabi ni Pastor Dan Andres na dapat ginibo man kan ibang mga lehislador cada distrito an kaparejong consutasyon ni Bordado nganing makua an voces kan saindang distrito nganing iyo an darahon sa pagvoto pabor man o contra sa sinambit na bill.

An divorce bill pigpapadrenohan ni Albay Congressman Edcel Lagman mantang an dissolution of marriage si House Speaker Pantaleon Alvarez, alagad segun ki Fortuno magagadan man sana an bills na ini mantang mayong nagpapadrenong kaparejong bill sa senado.

Kaagid man sana kan death penalty bill na nakapasar sa ika-tolo asin pinal na pagbasa sa Camara-Baja alagad dagos nang nagadan huli ta mayo man nagpadrenong bill kaini sa senado, sabi pa ni Fortuno.

Maging si Presidente Rodrigo Duterte nagpahayag nin pagcontra sa divorce bill.

An duwang congresista kan Camarines Sur enot naman nagcontra sa death penalty bill.                                                                                     (dpaureus)        


 

Share on Facebook
Share on Twitter
Please reload