Anti-dynasty nakaina sa manga candidato sa SK

May 10, 2018

An probisyon sa anti-dynasty kan SK Reform Act of 2016 iyo an pigtutubodan  naging causa na dakul na mga jovenes an dai nagplantiar kan saindang certifico de candidatura sa Comelec bilang mga candidatong SK sa maabot na pirilian sa Mayo 14.

Ini an pagtubod kan Commission on Election sa Bikol mantang sa labi sa tres mil na mga barangay sa Kabikolan maabot sa 60 SK councilors an mababakante mantang kulang si mga nagplantiar kan saindang COC.

Kadakli kaini sa Albay, Camarines Sur asin Camarines Norte, sabi ni Abogado Romeo Serrano assistant regional director kan Comelec sa Bikol base sa listahan nin mga candidato sa SK hali sa anom na provincia sa Bikol.

Sinabi kaini sa miembros kan media premirong nangyari ini sa pirilian sa SK na nagkukulang si mga candidato asin kabali sa dahilan iyo an nagkaduwang taon nang pig-uktabang sarabay na Barangay asin Sangguniang Kabataan elections.

Kan panahon na mayo pa an probisyon sa anti-dynasty si mga aki asin sadiring tawo nin mga politico pinapa-candidato mantang saindang target na maging federation president asin magtukaw bilang ex-officio member sa sanggunian panlungsod, bayan asin sa sanggunian panlalawigan.

Yaon na sa poder kan Department of Interior and Local Government (DILG) nganing iyo an mag-nombra sa mga bakanteng tukawan para macompleto an pitong miembros kan SK councilors.

Afuera pa kaini, ipinahayag kan ibang jovenes na kun nagrerecibe nin honorarium an SK Chairman alagad sinda dai kaayon dawa na ngani igwa sindang obligasyon bilang opisyales kan SK sa saindang sakop na barangay.




 

Share on Facebook
Share on Twitter
Please reload