Kinokondenar kan mga taga Naga, CamSur pagpahali ki CJ Sereno

Nagsarong fuersa an mga abogado sa Ciudad nin Naga, Camarines Sur asin progresibong grupo nganing ibiklad sa publiko an saindang pagprotesta laban sa desisyon kan Corte Suprema nagtutugot sa Quo Warranto petition contra Jefe Magistrado Maria Lourdes Sereno. An protesta ginibo sa atubangan kan Hall of Justice sa Ciudad nin Naga kan Martes, Mayo 15, 2018 na nagpatanid igwa pang masunod na mga hiro protesta an saindang gigibohon sa masunod na mga aldaw. An grupo pinangenotan ninda Abogado Ricky Tomotorgo kan Bicol Nationalist Alliance Against Tyranny (BAN Tyranny) Abogado Luis Ruben General kan Free Legal Assistance Group (FLAG)na binasa an saindang opisyal na mga panindugan contra sa desisyon kan walong magistrado kan Corte Suprema asin igwa man suway na panindugan na binasa an progresibong grupo na pinangenotan kan Bagong Alyansang Makabayan Camarines Sur. Nagtutubod sinda na an pagpalayas sa Jefe Magistrado bakong tama an quo warranto na pighidali an petisyon na malinaw na ‘’unconstitutional’’. Afuera kan sinambit na grupo yaon man an National Union of Peoples’ Lawyers (NUPL) asin iba pang legal profession asin pig-atendiran kan miembros kan Sangguniang Panlungsod sa Ciudad nin Naga na pinamamayohan ni Bise Alcalde Nelson Legacion asin City Youth Officials. ‘’We dissent’’ an opisyal na panindugan kan mga abogado ini an parte kan saindang mensaje ‘’The ouster of the Chief Justice through the erroneous quo warranto short petition is unconstitutional. But more than that, it has far reaching effects. Judicial independence is slayed. Our democracy is in peril. Monopoly of power in the Executive without checks and balance is practically complete. Dissent even in traditional forms are shot down. Those who stand in the way of government policy and fancy are wayland.’’ Sa statement kan BAYAN ini an saindang panindugan ‘’Ang Bayan Camarines Sur, ay buong pwersa at buong lakas na kinokondena ang paggamit ng illegal na proseso at hindi makatarungang desisyon ng kataastaasang korte. Pagpapatunay lamang ito ng patuloy na kabulukan ng sistema at ang harap harapan na pagiging bastos ng administrasyong Duterte sa mamamayan. Isang malinaw na paglalantad ng tunay na mukna ng administrasyong Duterte, administrasyong na nagpapakita ng tiraniya at diktadura sa mamamayan.’’ Sinabi ninda na ilegal an pagpalayas ki Sereno malinaw na nagiging sunod-sunodan sa sugo kan saindang among na si Duterte.