P625K tinataong ayuda aroaldaw kan PCSO CSur

September 27, 2018

Inaabot nin P625 mil an pinapaluwas na ayuda aroaldaw sa sanga kan Philippine Charity Sweektakes Office (PCSO) sa Ciudad nin Naga na naitataong asistencia sa mga naghahagad nin tabang sa average na 75 pasyente aroaldaw. 

 

Ini an pigbuyagyag ni PCSO Provincial Manager Jobet Ramos sa tahaw kan saindang padagos na ginigibong pagtabang sa tios na mga familia na mayong kakayahan na makabayad nin dakulang cantidad sa mga hospitalization dawa na ngani miembro sinda kan Philhealth.

 

Alagad saiyang piglinaw na bakong cash an saindang pigtataong ayuda envez direkta na sa hospital kun saen an pasyente naka-confined.

 

Pighalimbawa ni Manager Ramos aroaldaw nagpapaluwas sinda nin fondong cantidad P150 mil sa Mother Seton Hospital sa Ciudad nin Naga maging sa iba pang mga hospital nganing facil na sa mga pasyente alagad igwa man giraray hinahagad sindang mga rekisitos na papeles.

 

Kan panahon na igwa pang Small Town Operation sa Camarines Sur nakakatabang pa ini sa fondo sa mga ayuda sa mga pasyente na naghahagad nin financial assistance aroaldaw, alagad nabawasan an saindang ahencia kan mawara an STL sa provincia.

 

Kan nagpapadagos pa digdi an STL aroaldaw igwang remittance na cantidad P15 milyones cada bulan asin igwa man digdi nin kaherasan an LGUs, Philippine National Police asin Bureau of Internal Revenue mantang an matatada sa PCSO Naga Branch cantidad P4.7 milyon, sabi pa ni Ramos.

 

Share on Facebook
Share on Twitter
Please reload