Kasundoan kan China-PH unconstitutional, sabi

November 29, 2018

 

Ciudad nin Naga – Si dating Solicitor General asin nagcacandidatong senador Florin Hilbay kan Oposisyon Koalisyon (OK) nagpahayag sa entrevista kan Bicol Mail na ilegal asin unconstitutional an magiging 60-40 an barangaan sa joint oil and gas exploration deal sa China na pigfirmahan ninda Presidente Rodrigo Duterte asin Chinese President Xi Jinping.

 

Malinaw sa 2016 arbitral tribunal decision sa laban kan Fililipinas contra China dai kita dapat makibanga sa nasyon kan China bakong 60 pabor sa Filipinas asin 40 sa China envez 100 por ciento huli ta nanggana kita sa desisyon, sabi pa ni Nilbay.

 

‘‘Kapag pumayag tayo sa 60–40 kinikilala natin ang deretso ng China, I think that’s clearly illegal, unconstitutional and incomputable sa desisyon sa Philippines vs China’’.

 

Sinabi pa ni Hilbay pagnagtugot sa 60-40 sa China, ititinatao na habang buhay an deretso ninda sa West Philippines Sea na digdi gigibohon an oil and gas exploration mantang bako lang sarong transaksyon alagad entero nang tinatao kan Filipinas an ginanahan na caso sa international tribunal.

 

‘‘Hindi tayo papatawarin ng mga susunod na henerasyon ng mga Pilipino kapag ibinigay natin yung West Philippine Sea’’.

 

Pigtawan pa nin duon na pigfirmahan ni Duterte an dokumento na dai nag-asertar kan satuyang konstitusyon asin satong kapangyarihan sa West Philippine Sea contra sa China.

 

An dating Solicitor General kaibanan sinda, election lawyer Romulo Macalintal, Somera Gutoc asin dating Quezon City Congressman Eric Tañada, nag-atubang sa ginibong Youth Forum na ginibo sa JMR Museum sa Ciudad nin Naga kan nakaaging Viernes, Noviembre 23. 

 

Sinda naglibot sa mga provincias kan Albay, Camarines Sur asin Camarines Norte sa amay na pagpabisto bilang mga candidatong senador kan Koalisyon Oposisyon.

 

Na enot na kaini, si Bise Presidente Leni Robredo nangapudan sa Duterte administration na dapat maging silag sa saindang bilateral agreements na pigfirmahan kan China sa pagsungko sa estado ni Chinese President Xi Jinping kan nakaaging semana.

 

‘‘We call on the administration to be transparent with all bilateral agreements signed yesterday of China’’, sabi sa mga pahayag ni Robredo.

 

Sinabi pa na an namamanuan Filipino dapat maaraman an detalye sa memorandum of understanding sa mga road initiative infrastructure cooperation program lalo na sa MOU sa oil and gas exploration para sa interes kan namamanuan.

 

Sa senado sinabi ni Senate Pro Tempore Ralph Recto nakatalaan magsangat nin resolusyon nganing magkaigwa sinda nin pag-aadalan sa kasundoan sa MOU sa isyu kan oil and gas exploration alagad saiyang igigilid muna an isyus legal sa West Philippine Sea mantang an conflikto aaboton pa nin halawig na mga taon antes maresolberan.

                      (DPAureus)

 

Share on Facebook
Share on Twitter
Please reload