Chinese nat`l na nagtipwak nin taho kinundenar ni VP Robredo

February 13, 2019

 

 Zhang

 

Kinundenar ni Bise Presidente Leni G. Robredo an ginibo kan babaeng Instik na nagtipwak nin taho sa sarong pulis na destino sa Metro Rail Transit Station sa Boni Station.
Nababastos na kita kan ginibo kan babaeng Chinese lalo na sarong awtoridad na naka-oniporme na tinipwakan kan taho.
Dapat irespeto an pulis nagpapasunod sana kan mga policia  sa MRT lalo na kun ini para sa seguridad kan pasajeros dapat igalang kan dayuhan.  Insulto asin nakakabastos  sa nasyon an ginibo niya,  sabi pa kan Bise Presidente.
Kaipuhan atubangon kan dayuhan na Instik an ano man na castigo base sa ley kan satong nasyon.
An babaeng Instik pigmidmid kan awtoridad na si Jiale Zhang, 23 años, nag-eerok sa Mandaluyong City asin estudiante kan school of fashion sa Sofa Design Institute.
Sinatar siya kan pulis na bawal magdara nin ano man na liqido sa laog kan tren alagad envez na magsunod tinipwakan nin taho an pulis.
Dagos nang dinakop si Zhang huli kan pagiging abusado sa awtoridad asin nag-aatubang na ngonian nin casong Disobedience to Agent of Person in Authority and Direct Assault.
An biktimang pulis si PO1 William Crisabal, miembro kan RMFB 4th MPC.
An jefe kan National Capital Regional Police Office na si P/Director Guillermo Eleazar nagpahayag sa media an Chinse na babae saindang irerecomendar bilang ‘’undesirable alien’’.  (dpa)                                                         
 

Share on Facebook
Share on Twitter
Please reload