Peace talk buhayon sa nasyonal bako sa lokal

March 28, 2019

Ipadagos an napunan nang urulay pang katuninongan pag-ultanan kan GRP asin NDF of the Philippines envez kan mapuon naman sa ibaba sa paagi kan localized peace talk.


An problema naman ibinasura na ni Presidente Rodrigo Duterte an orolay pang katuninongan alagad sa cada rehiyon nagbilog kan Task Force Peace Talk, sabi ni Provincial Chairperson Nelsy Rodriguez kan Bagong Alyansang Makabayan (BAYAN) sa Camarines Sur.


Sinabi pa kun ipadagos an pang nasyonal na peace talk kabale naman kaini sa cada rehiyon alagad kun localized peace talk mapuon naman sa ‘’uno’’ kaya negatibo digdi an BAYAN.


Igwa nang napunan sa nasyonal magsasayanang sanang panahon huli kaini dai sinda nagsusuporta sa pang rehiyonal na orolay pang katuninongan, sabi pa.


Ipinahayag pa kan BAYAN Camarines Sur an saro sa isyu sa pang nasyonal na peace talk iyo an economiya na iyo an ugat kan problema, kaya hagad ninda na ipadagos an napunan nang enot na orolay.


Digdi sa Bikol si Presidential Adviser for Bicol Affairs Marvel Clavecillia iyo an napili kan Regional Peace and Order Council (RPOC) asin Regional Development Council (RDC) na maging Task Force Commander kan Task Force Peace Talk na pigcrear huli kan Executive Order No. 70 ni Presidente Duterte.


Sinabi ni Clavecilla an mawot ni Duterte sa paagi kan localized peace talk on an national scope sa NDF/CPP/NPA bako lang digdi sa rehiyon Bikol envez sa gabos na rona.


Bilang task force commander, si Clavecilla nangapudan sa NDF/CPP/NPA na tawan considerasyon an kamawotan kan gobierno sa paagi kan ‘’civilian-led approach’’ nganing taposon na an armed conflicts entre kan tropa kan gobierno asin rebelde sa paagi kan localized peace talk.


An Task Force, compuesto kan commanding general kan 9th Infantry Division kan Philippine Army, Regional Director kan Philippine National Police, pamayo kan DILG, National Economic Development Authority, an National Intelligence  Coordinating Agency, DPWH, DBM, DSWD asin representantes hali sa pribadong sektor.  (DPA)

Share on Facebook
Share on Twitter
Please reload