Php 876.6M daños sa agrikultura kan El Niño

April 4, 2019

Pili, Camarines Sur – Naglalawig an El Niño Phenomenon naglalangkaw man an daños sa produkto agrikultural sa Bikol asin base sa pinakahuring partial damage report kan Departamento de Agrikultura  kan Marso 29 nagsakat na sa total na P872,645,047.68  mientras nalugi sa aanihon nin nag-aabot na sa 34,976.57 metrico tonelada.

 

An rehiyon Bikol na may halangkaw na produksyon nin bagas alagad sa damage report iyo an may pinakalangkaw na daños nag-aabot na sa cantidad P660.5 milyon mientras nalugi sa aanihon nin 23,599.20 metrico tonelada.


An  Camarines  Sur iyo an may pinakadakulang daños sa paroyan nag-aabot na sa P498.3 milyon, nagsunod an Albay – P125 milyon, Masbate – P28.6 milyon asin Camarines Norte – P8.3 milyon mantang an Sorsogon asin Catanduanes mayo  pang    pinapapadarang  damage report.


Si Emily Bordado, opisyal na parataram kan DA Bikol nagsabi saro sa saindang programa tanganing matabangan an mga paraoma igwa na sindang pig-instelar na nagkaperang solar powered irrigation system, libreng banhi  asin  papautangon nin gagastuson an mga paraoma na apektado kan tag-alang.


Sa produkto nin mais igwa nang total na P211.8 milyon asin igwang  luging 11,698 na metrico tonelada.  An CSur iyo an dakula si daños nagsakat na sa 11,376.50 metrico tonelada;  sa Albay  - 313.80 asin Masbate – 7.86.204.5.


Base pa sa datus kan DA abot na sa 25,138 mga paraoma an apektado mientras na 28,442.14 hektarya an entero nang aralang asin garatak na an oma mantang sa mga tinanum na gugulayon nag-aabot na sa P285,291.38.


An Philippine Atmospeheric, Geophysical and  Astronomical  Services Administration (PAGASA) opisyal nang pig-anuncio an halawig na El Nino sagcod sa bulan nin Hunyo ngonian na taon.
 

Share on Facebook
Share on Twitter
Please reload