Mga trajabador sa konstruksyon dai na kaipuhan mag-abroad

April 11, 2019

Nagkakasararo an grupo nin mga construction workers nganing hagadon sa administrasyon ni Presidente Rodrigo Duterte na tabangan sinda na matawan nin tamang kumpensyason asin iba pang pribiliyo na pig-oopresir sa mga skilled workers sa abroad.


Rinibo an mga skilled workers sa Filipinas alagad dai sinda natatawan nin atensyon kan gobierno napipiritan na bayaan an saindang familya nganing  mag-trabajo sa abroad. An nakikinabang sa sainda an ibang nasyon.


An mga construction workers  makakatabang sa Build,  Build, Build Program ni Duterte kaya hagad ninda an suporta kan gobierno.


An Construction Workers Solidary Party-list (CWS) na pigrerepresentaran ni Undersecretary Romeo Momo kan DPWH nagsabi na mantang dakul na mga skilled workers sa mga construction industry, an saindang sueldo bako pang suficiente  nganing mabuhay nin decente an saindang familya asin apektado pa kan inflation rate.


Nagtutubod si Momo na an tamang sueldo asin dugang na mga insentibo na pig-oopresir sa abroad makakatabang sa mga trabajante nganing dai na mapiritan na magluwas sa ibang nasyon.


An gobierno maging an pribadong mga kompaniya na-ngangaipo nin dakul na trabajante lalo na sa proyecto  sa infrastraktura sa  lindong  kan Build, Build, Build program kaipuhan tabangan envez na mag-abroad pa sinda, sabi pa kan nominado sa CWS.


An CWS namukna kan 2002, andam na magcooperar sa mga construction industry asin iba pang mga policia na dapat pandayon sa paagi nin dialogue nganing matabangan an pag-angat kan pagbuhay kan construction workers.


Sa paagi kan CWS Party-list saindang dadarahon an voces kan mga trabajante sa congreso sagcod na maghaman nin leyes para sa saindang dugang na sueldo asin insentibo arog kan nakukuang  halangkaw na sueldo sa abroad.

Share on Facebook
Share on Twitter
Please reload