Mga paratukdo pinatanidan dai mag-envuelto sa politica

April 25, 2019

Ciudad nin Legaspi  - An Departmento de Edukasyon (DepEd) sa Bikol nagpatanid sa mga paratukdo sa escuelas publiko na dai magpagamit sa politica kan mga candidato sa maabot na midterm elections.


Pinapangalad an pag-alyado sa arin man na candidato lalo na an pagrecibe nin regalo karibay kan pagpabor asin pagkampanya huli ta puedeng ireclamo sinda sa Civil Service Commission asin ini sarong electioneering.


Mga osip pa sana kan ibang  miembros   kan  media alagad halat kan DepEd an opisyal na reclamo mantang kaipuhan mag-agi sa due process, sabi ni Regional Director Guilbert Sagsad.
Sa ngonian pig-aandaman kan DepEd Bikol iyo an Palarong Pambansa sa Ciudad nin Davao na mapuon sa Abril 27.


Kan nakaagi pang semana naglarga na an mga atleta hali sa Bikol kaibanan an saindang coaches asin iba pang delagasyon.


Pakatapos kan karawat an saindang isusunod na actividad iyo an Brigada Eskwela na kaipuhan ninda an suporta kan mga magurang.


Taon-taon nang ginigibo ini kan DepEd sa suporta kan mga magurang asin iba pang sektor nganing pagburokasan nin klase sa Hunyo malinig na an kapalibotan kan mga escuelahan, sabi pa ni Sadsad.
 

Share on Facebook
Share on Twitter
Please reload