UNC, Mapua University nagkaigwang academic alliance

May 9, 2019

Matrayumpong pinag-saro kan House of Investment an duwang higanteng “educational institutions” kan nasyon an  IPeople asin an Ayala Corporation. An IPeople iyo an “education holding company “ kan  Yuchengco Group of Companies,  an may sadiri kan Malayan Education System, Inc., an nag mamanijar kan Mapua University asin iba pang darakulang eskuelahan. 


An Ayala Corporation  an kagrugaring kan AC Education, na may  kagsadiri  ngonian kan University of Nueva Caceres sa Ciudad nin Naga. Sa irarom kan kasunduan an  IPEOPLE  na an magiging opisyal na titulo kan gabos na eskuelan na kabali sa “merger”.  An “merger” naging  epektibo  poon kan May 2, 2019. 
An transakyon na ini nag abot sa cantidad na P15 bilyon.  An mga detalyes kan kasunduan na ini an pigsaysay  sa sarong surat ni   Fred Ayala sa bilog na komunidad kan UNC.  Si Ayala an dating presidente kan UNC asin sa  presente siyang  Vice Chairman kan Board of Trustees.


An  House of Investment asin an Ayala Corporation, magkatuwang na  administrar kan  IPeople. Bilang resulta  kan “strategic partnership“ na ini,  an IPeople an saro na sa  pinakadakulang institution nin edukasyon  sa Pilipinas na igua nin  nag aabot sa mas o minos  60,000 na estudiantes.


An IPeople igua na nin bale  7 darakulang mga eskuelahnan na ma oprisir nin de kalidad na edukasyon sa mga estudiantes maging ano man an saindang estado sa buhay.   An mga campuses ninda makukua sa  Metro Manila, Calabarzon, Bicol asin sa Mindanao. Ang IPeople compuesto kan  minasunod na mga eskuelahan : Mapua University, Malayan Colleges Laguna, Malayan Colleges Mindanao asin Malayan High School of Science sa Manila. Sa parte kan AC Education ini man ang mga  eskuelan ninda: University of Nueva Caceres, National Teachers College asin APEC Schools (Afordable Private Education Center) ang pinaka-dakulang “chain of private stand-alone high schools” sa Pilipinas.


Saro sa dakul na mga bintahe kan  “academic alliance ”na ini  kan  UNC sa  Mapua University,  iyo na an ma-enrol sa Bachelors in Engineering sa UNC,  pag graduate sa  kurso ini, pwedeng mag kua kan saindang  Masters Degree sa Mapua o sa UNC. Pig tugotan na  kan Mapua University  ang UNC nag  ooprisir na kan saindang mga  Graduate Programs na sagcod ngonian  mayo  pa kaini sa Bicol Region. (Joel Federco A. Crescini)    

Share on Facebook
Share on Twitter
Please reload