Pederalismo ni Duterte pacil nang makalusot sa congreso

May 23, 2019

 An pigtutulod na pederalismo kan administrasyon ni Presidente Duterte saro sa tatawan  nin  prioridad sa 18th Congress matapos ganahon kan mga candidatong senador  na kaalyado kan administrasyon maging sa Camara-Baja.


Mawot mahale na ni Duterte an inaapod na imperialistang Manila para mag-asenso an mga rehiyon sa Luzon, Visayas asin Mindanao, sabi ni Usec Marvel Clavecillia.


Nagtutubod an mga kaalyado ni Duterte na madaling marealisar an pighahasing charter change na susuportaran kan saindang mga kaalyadong senador asin congresista.


Si Clavecilla iyo an Presidential Adviser for Bicol Affairs ni Presidente Duterte, nagsabi an pederalismo saro sa mga pigpangako kan presidente sa mga taga Mindanao asin sa Luzon asin Visayas nganing pararejas an pag-asenso kan rehiyon bako lang sa mga mayayaman na ciudades kan Makati, Manila, Quezon asin iba pang lugar envez darahon na sa ibang mga rehiyon.


Makakaguno na nin mayoriang suporta an Presidente ano man kaining programa na maagi sa lehislasyon nganing madaling maaprobaran.


Alagad yaon man giraray sa bagong mga lehislador sa Senado asin Congreso an desisyon kun saindang susuportaran an charter change mantang pasiring na sa ika-apat na taon sa Malacañan si Duterte.


Saro sa mawot mangyari kan Presidente iyo an pagbuhay liwat kan death penalty na enot nang nagpalya sa senado.


Mientras tanto, an ibang sektor nagsabi na daing gayo sinda pabor sa pederalismo huli ta dawa anong porma nin gobierno kun yaon an mahiwas na kurapsyon dai marerealisar an toltol na pag-gogobierno.

Share on Facebook
Share on Twitter
Please reload