MAY 27

May 30, 2019

 

Happy Holiday.!!! Pista opisyal sa provincia nin Camarines Sur, ciudad nin Iriga na component city kan provincia poon kan 1968 asin ciudad nin Naga kun sain namundag asin binuksan an primirong gobyerno local kan Ambos Camarines kan May 27, 1579.


An Naga o Ciudad de Caceres, an ikatolong Royal City sa Pilipinas an cavesera kan Kabikolan kadto.  Iyo man an centro  kan Kabikolan asin Archdiocese kan Caceres poon parting Samar sagkod Nueva Segovia.


An Camarines Sur parte kan Ambos Camarines na sa laog kan 300  taon nasakop kita kan Kastila tolong beses binaranga sagkod finalminte naguin Camarines Sur asin Camarines Norte kan 1917, an propagandista na si Tomas Arejola kan ciudad nin Naga iyo an miyembro kan Philippine Assembly na nagmukna kan lay na maisuway an Camarines Sur sa Camarines Norte.


Pero maski siring an Cam Sur iyo man guiraray an pinaka-dakula. 


An Cam Sur may 35ng  mga banwaan asin  2ng  ciudades.


An ibang provincia kan Bikol iyo an Albay, Sorsogon, Catanduanes asin Masbate. An mga ciudades iyo an Ligao, Tabaco, Sorsogon asin Masbate.


Dati sagkod taon 1976 an regional center kan Bikol Region( Region V) iyo an ciudad nin Naga. Kan panahon ni Presidente Marcos pigbalyo sa Legaspi City ta mas harani sa mga provincias kan Albay, Masbate, Catanduanes, asin Sorsogon.


Pero nin huli ta an Patrona kan Bikol, si Nuestra Senora de Penafrancia naka-istar sa ciudad nin Naga kaya an regional fiesta kun bulan na Setyambre sa Naga man guiraray.


Saroon mo an populasyon asin kadagaan kan Albay, Sorsogon, Masbate asin Catanduanes haros pareho lang kan Camarines Sur asin Camarines Norte.


An Bikol sarong rona pero suruway an mga Isla kan   Masbate  asin Catanduanes. Suruway pa an politika, kultura, linguahe asin tataramon. 


May standard Bikol,(Naga, Legaspi,Daet,  Sorsogon City, Magallanes Sorsogon), Riconada, Buhinon, Tagalog Cam Norte, Bisaya, Cebuano etc..


An motto kan mga Bikolano “ Sa Pagkasararo may Kosog” .Alagad an hapot andam na daw kita sa Federalismo?


Kulibat ko palan, an Mayo 27 kompleanyo man ni depuntong Naga City Mayor asin DILG Secreatary Jesse M. Robredo….
*****
ERRATA (Erase, Erase, Erase) kan 2004 bakong 1992 pigdakit an Kaogma Festival haling Naga pasiring Pili. Barangay Balatas bakong Balata, ciudad nin Naga.


Tama si Dr. Danny Gerona kan intrevista sa GNN TV 48 kan Sabado na an Kaogma ngonyan bako nang dapit sa kultura kundi “Pop Culture” na, “Pop Corn na”,” Corny pa”. Nawara na sa eksena an kultura, asin pag-oma, an darakulang talong, an darakulang karpa asin iba pa. Centro na kan celebrasyon iyo an mga artistang haling Manila asin mga kandidata sa Miss Kaogma. Mayo nang siram. 
*****
I AM A NATURAL PARK DEFENDER, I WILL REPORT ALL ILLEGAL ACTIVITIES IN MT. ISAROG NATURAL PARK to telephone and cp numbers  472-3000/ 0917-777-2277/ 0908-885-3000.
*****
“PROTEKTARAN SALOG NIN BUHAY”


Irereport ko an para-apon Basura sa Salog Naga to telephone and cp numbers 472-3000/ 0917-777-2277/0908-885-3000

Share on Facebook
Share on Twitter
Please reload