Inagurasyon kan Malasakit pig-aandaman na kan BMC

June 27, 2019

Matapos kan inagurasyon kan pinakaenot na Regional Cancer Center sa Southern Luzon na namumugtak sa bagong edificio kan Bicol Medical Center sa Ciudad nin Naga, pig-aandaman naman an pagbukas kan Malasakit Center.


Nagkapera nang Malasakit Center digdi sa Bicol na pigtawan prioridad kan Duterte Administration na bugtakan man an BMC na iyo an pinakadakulang hospital sa rehiyon cinco.


Si Tammy Lee, coordinator kan Office of Presidential Adviser for Bicol Affairs (OPABA) nagpahayag hinahalat nalang ninda an ipapaluwas na anuncio ni Dr. Francisco Sales, OIC  Medical Director kan BMC asin saro sa magiging bisita iyo si Senator Elect Bong Go.


 An elihidong senador iyo an nagtulod kan pagtugdas kan MC sa mga hospital kan gobierno nganing matabangan an mga pobreng pasyente na mapadale an saindang paghagad nin tabang asin ayuda.


Sinabi ni Lee an MC yaon na digdi an mga sub-office kan Department of Social Welfare and Development (DSWD), Philippine Charity Sweeptakes Office (PCSO), Philippine Health Insurance Corporation (PhilHealth) asin iba pang ahencia nganing sa saro na sanang lugar asin dai na madificilan an pasyente na sa paghanap kun kinakaipuhan an asistencia kan mga ahencia kan gobierno nasyonal.


Sa ngonian, puon na basbasan an Regional Cancer Center sa BMC kan nakaaging semana na naging juespe de honor si DOH Secretary Francisco Duque dakul nang mga pasyente an nagpipila tanganing dai na maggastos sa pagviaje asin abala sa oras kun mapasiring pa sa Manila.


An saro nalang pighahalat ni Dr. Sales iyo an house bill ni Congresista Gabriel H. Bordado Jr. kan tercer distrito kan Camarines Sur para sa dugang na bed capaicity hale sa 500 gigibohon nang 1,500 asin upgrading kan mga facilidades kan hospital.
 

Share on Facebook
Share on Twitter
Please reload