DAWA PERANG VECES SINUSPENDE: Bongalonta andam magsuporta ki Migz

July 11, 2019

Pili, Camarines Sur – Andam na magsuporta si Alcalde Tomas Bongalonta kan banwaan na ini sa liderato ni Gobernador Migz Villafuerte dawa perang veces siyang sinuspendi sa puesto kan jefe ejecutivo huli sa caso administrativo alagad nakakabuelta man sana sa opisina huli sa  ‘’stay order’’ kan Malacañan.


‘’Kun ipapaapod niya ako sa Capitolyo Provincial andam ko yan na akoon nganing magpasiring sa saiyang opisina asin kun siya man may tuyo sa sakuya welcome siya sa opisina, tapos na an politico trabajo na muna, sabi kan alcalde.


Kan suspendiron nin nagkaperang veces an alcalde, sinabi kaini na politica sana man an intensyon,  tapos na an politica dapat lingawan na si mga nangyari.  Alagad saiyang piglinaw na mayo man siyang plano na magbalyo sa partido kan PDP-Laban ni Villafuerte.


Huli kan mainit na politica sa saindang banwaan sagcod  na  hinahanapan siya nin mga dahilan, nagresulta  sa pagkaparalisar na ma-implementar an mga proyecto asin si mga consejal  na padagos na nag-iipit sa saiya nadaog na sa eleksyon.


Si Villafuerte, dinaog nin labi sa saes (6) mil na boto ni Congresista Rolando Andaya Jr. sa resulta kan eleksyon sa banwaan nin Pili.


Sa resulta kan midterm elections, sinabi pa kan alcalde duwa sanang ganador na consejal iyo an saiyang kaalyado alagad sa bagong liderato sa Sangguniang Bayan sa pamamayo ni Bise Alcalde Sorriano na  bako niyang kaalyado sa partido marhay an saindang cooperasyon.


Naglalaom an jefe ejecutivo na kun marhay an saiyang  iribanan sa sanguniang bayan mangtatarabangan sinda nganing ma-implementar si na-pendienteng programa mantang milyones peso an saindang savings.                          
(dpa)

Share on Facebook
Share on Twitter
Please reload