Tigsik

July 11, 2019

 

Tigsik ko an ibang estudyanting babaknit
Nasa tinampo, daing kontrol sa pagngirit
Garo  pigpuputulan it--,kun makakuragrit 
Kun pagmasdan,pagdangnugon makauyit

 

Tigsik ko an mauswag na Syudad nin Naga
Alagad an trapiko pirmi nang gurubot baga
Sa  bangketa may mga autong nakaparada
An mga tawo sa tinampo nagraralakaw na 

 

Tigsik ko an mga paratukdo ta sa ngunyan
Sa indang sweldo plano na man langkawan
Pahingurag an trabaho kaya dapat na man
Haros magiristar na  sinda sa eskwelahan

 

Tigsik ko an pagpahiwas  kan aeropuerto
Dagdag pa ini sa programang panturismo
Alagad dakulon na kaumahan an apektado
Orog na an pagrurugaring  nin mga pulitiko

 

Tigsik ko ining pagtugdok nin aeropuerto     
Hilingon na sana an angog nin mga pulitiko
An mga ilawan sa runway dai na kinakaipo
Sa sobrang kintab madadarinas an eroplano
 

Share on Facebook
Share on Twitter
Please reload