Malasakit center sa BMC bukas na sa mga pasyente

August 8, 2019

 Igwa nang Malasakit Center (MC) an Camarines Sur na namumugtak sa groundfloor kan limang escalon na edificio kan Bicol Medical Center matapos kan ginibong inagurasyon na pingenotan ni Senador Bong Go asin ni Usec Marvel Clavecilla kan Office of the Presidential Assistant for Bicol Affairs.

 


Nagkaperang veces na-uktaba an actividad mientras na pighahalat an bakanteng aldaw asin oras ni Senador Go.


Alagad sinabi ni Clavecilla, liwat niyang hahagadon sa senador na bako lang sa Ciudad nin Legazpi asin Ciudad nin Naga asin kaipuhan marealisar man sa iba pang provincia sa Bicol an Malasakit Center.


An enot na MC sa Ciudad nin Legazpi na namumugtak sa Bicol Regional Training and Teaching Hospital naging operational na antes pa kan midterm elections asin ika-duwa sa BMC na bukas na sa gabos na kilyente puon kan Lunes, Agosto 5.


Sinabi pa ni Clavecilla na hahagadon niya sa senador na magkaigwa man sa mga provincia nin Camarines Norte, Masbate asin Sorsogon.


Si Go,  kan iyo pa an Special Assistant to the President (SAP) iyo an nasa likod kan proyecto kan MC sagcod na igwa na sa manlaen-laen na rehiyon.


Kun mabugtak pa sa ibang rehiyon dapat dugangan pa digdi sa Bicol, sabi pa ni Clavecilla.


An MC, sarong one stop shop buot sabihon an mga  may tuyo asin mahagadan nin tabang sa Philippine Charity Sweektakes Office (PCSO), Philhealth, Departamento de Salud  asin Department of Health (DOH) yaon na digdi dai na kaipuhan magluwas an bantay kan mga pasyente digdi na mahagad nin tabang asin iba pang ayuda.


Sinabi mensaje kan senador nakatalaan siyang magplantiar nin bill sa senado nganing maging institusyonal an MC para maging permanente asin dai na tunawon kan masunod na mga administrasyon.


Dinagdag pa kan PABA na mabugtak nin sadiring edificio an MC asin hahalion man giraray sa groundfloot kan limang bagong storey building matapos kan ginigibong rehabilitasyon kan edificio sa laog kan BMC.        (dpa)

Share on Facebook
Share on Twitter
Please reload