BONGAT VS LEGACION: Leni posibleng magtahaw sa “matabang” na relasyon

August 22, 2019

 

Si Bise Presidente Leni Robredo, lider kan partido liberal (LP) nagsabi na namumundo siya sa nangyayaring sintikan ninda dating Alcalde John Bongat asin Alcalde Nelson Legacion kan Ciudad nin Naga alagad sinabi kaini ‘’antes siyang magtahaw mas marhay na tawan ta muna sinda nin pagkakataon, ta mas gulping nagsasawsaw mas nagiging kumplikado lugod an problema asin seguro kaulayon ko parejo sagcod na encourage na sinda muna parejo an mag-settle’’


Dai pa nakakaulay kan bise presidente an duwa asin nagtutubod siya na kun an mag-agom ngani nagkakaigwa nin dai pagkaka-intindihan kaparejo man ninda na haloy nag-ibanan nin haloy na panahon sa City hall asin sa pagserbe sa namamanuan.


‘’Parejo kami ni Congresista Gabby Bordado na mahimo nin espuerso nganing dai na mag-grabe siring man si nakapalibot dai na makadagdag alagad hagad niya na dapat i-settle muna kan duwa kun ano man an problema’’


Enot nang kinumfirman ni  dating  Alcalde  Bongat na  ‘’matabang  na talaga’’ an relasyon ninda ni Legacion, dai pa ngani na tolong bulan sa puesto asin nagrarayo na an saindang dating marhay na pag-ibahan sa City Hall. 


Sa mga pahayag ni Bongat sa miembros kan media kabale sa dahilan kan dai na i-renew ni Legacion an trabajo bilang paratukdo ni Mrs. Farrah Bongat, esposa kan dating alcalde sa City College of Naga sa burokasan nin klase ngonian na bulan nin Agosto.


Kabale pa sa pigkukulog buot kan dating alcalde na dai pa ngani natatapos an saiyang termino kan bulan nin Hunyo 2019, nagpupurokpok na sa saiyang opisina asin ni dating City Administrator Jun Mongoso. An pagpakarhay kan Mayor’s Office bilang pag-andam sa pag-okupar kan bagong jefe alcalde.


Dapat tawan nin considerasyon ni Legacion, na siya naging instrumento para sa karera politica sagcod na maging alcalde, sabi pa ni Bongat.


Pig-estorya pa na tibangan niya si Legacion na maging candidatong bise alcalde bako si dating Consejal Nathan Sergio na parejo niyang dayupot na mga amigo.

 

PALIWANAG NI LEGACION


Kun sa isyu na dai na niya pig-renew an kontrata ni Mrs. Bongat bilang paratukdo saiya ining ‘’executive prerogative’’.


Nagtutubod si Legacion na paghale ni Bongat bilang alcalde, ‘‘garo kabale naman si Mrs. Bongat. Dai ko aram na may arog kaiyan na intensyon na matada’’


Bako lang an dating premira dama an dai na pig-renew si trabajo bilang paratukdo alagad kabale pa si James Refugio na nagserbe bilang City Youth Administration sa termino kan dating alcalde.


Sa isyu sa amay na renovations kan Mayor’s Office,  saiya pang sinabi na nagpuon an patrabajo mayo an dating alcalde huli ta yaon sa abroad.

Share on Facebook
Share on Twitter
Please reload