Tigsik

August 29, 2019

 
Tigsik ko  ining ibang estudyante
Kun igwang bagyo grabe an ngisi
Ta sa paglamaw, celfon, tv, libre
Libre man si magurang pagplete

 

Tigsik ko kun malipot an panahon

An mga tawo haros dai magbangon
Pagmata may suman na masiramon
Dangan mahigop nin kaping mainiton

 

Tigsik ko an ina kan mga parasurat
Na tinawan nin pag-umaw nanggad
Si Dr. Ma. Lilia Realubit,  pinadangat
Nin mga parasurat na  bantog, sikat

 

Tigsik ko man an ibang parasurat
Kun minsan an buhay makaherak
Ta masakit magkaigwa nin pirak
An konswelo sana kun minasikat

 

Tigsik ko man an hilang na dengue
 Golping tugalsik an tinamaan kaini
Maray pa sa pinoy na namok posible
An lumaban sa mga tsinoy na peste

Share on Facebook
Share on Twitter
Please reload