Solid waste mgt plan kan 3 LGUs sa CSur aprobado na

September 5, 2019

Tolo pa sanang mga lokal na gobierno sa treinta y cincong mga municipalidad asin duwang  mga ciudad sa Camarines Sur na-aprobaran na an saindang 10 year solid waste management  plan na pigmamando kan National Solid Waste Commission (NSWC).


 Sinabi sa Bicol Mail ni Bonifacio Azur, opisyal na parataram kan Department of Environment and Natural Resources (DENR) sa Camarines Sur an tolong mga LGU kinababalihan kan Ciudad nin Iriga, Bula asin Bombon.


Sinda puede nang mag-implementar kan solid waste management plan pasiring sa barangay level asin digdi na makua an Barangay Solid Waste Management Committee sa sainda man na pag-implementar kan lokal na programa kan mapadapit sa solid waste, sabi pa ni Azur.


Kadakli kan mga lokal na gobierno mayong kakayahan na mag-implementar kan proyecto kan sanitary land fill huli sa kawaran nin sadiring fondo.


Sinabi pa kan DENR si mga LGU na dai kayang magpaconstruhir kan SLF tinutugotan na mag-clustered sa pagtaraig na municipio asin puede man maggibo kan residual contentment area.


Si dai kaayon sa tolong mga LGU anas na nakasumiter kan saindang management plan nasa listahan pa kan mga pig-eevaluar kan commission.


Nagiging estricto na an NSWC nin huli ta dapat estricto nang iimplementar an Acta Republika 9003 na mas bestado sa apod na Ecological Solid Waste Management Act of 2002.


Haloy na an ley mala ngani nagkapera nang mga alcalde sa Albay asin sa ibang rehiyon an nag-atubang nin caso sa Ombudsman kasunod kan saindang pagpalyar na mag-implementar kan ley.


An LGU sa Ciudad nin Naga iyo pa sana an igwang SLF na naging operational na puon kan Agosto 14, 2019. An proyecto ginastosan nin labi sa P250 milyon. (DPAureus)   

Share on Facebook
Share on Twitter
Please reload