Tigsik

November 21, 2019

 

Tigsik ko ining syudad na mauswag
Mga Nagueno anggot, nagkakaurag
Basura kan iba digdi pa ipigbabagsak
Mabatang parong, nangngalimpuag

 

Tigsik ko an biyong pagbuyugbuyug
Sa ibang lugar padagos na naglilinog
Haen si pastor na grabe an hambog
Pagyuguyugu dai na pinopondo logod

 

Tigsik ko an mga paratukdo ngunyan
Sa  bonus ninda grabe an kaogmahan
Pero an iba, pagmundo dai mapugulan
Ta nakasangra na sa pinagkakautangan

 

Tigsik ko ining kanser sa sosyodad ta
Dai napupuho na problema sa droga
Mala ta si Digong suminuko na baga
Sa mabuot na bise presidente ipinasa

 

Tigsik ko an mga lalaking parareklamo
An pagmata pa sana sige na an aburido
Orog kun dai nakaiskor sa  agom kainiho
Sigurado, maghapon mainit kaini an payo 
 

Share on Facebook
Share on Twitter
Please reload