SA DAÑOS NI TISOY: Duterte nagseguro nin ayuda sa Bicol

December 13, 2019

BilyonES peso an winalat na daños sa Bicol ni bagyong ‘Tisoy’ alagad kaipuhan isumiter muna kan mga ahencia de gobierno an saindang damage report sa Presidential Management Staff nganing ipaluwas kan DBM an fondo sa calamidad para sa recovery asin rehabilitasyon.

 

Si Undersecretary Marvel Clavecilla nagpahayag ini an asegurasyon ni Presidente Rodrigo Duterte kan ini magbisita sa Ciudad nin Legazpi matapos maglamasa sa Bicol si Tisoy.


An isusumiter na typhoon  assesment epekto kan nakaaging calamidad iyo an babasehan kan DBM sa pagpaluwas nin fondo sa calamity assistance kan Malacañan, sabi pa ni Clavecilla.


Pinasumiter tolos kan Presidente an mga ahencia na kadakli bilyon pesos na an daños na kaipuhan matabangan tolos kan Malacañan nganing iimplementar  an rehabilitasyon.


Alagad sa ngonian padagos pa an paglangkaw kan damaged report nin huli ta igwa pang nag-aarabot hali sa ibang mga banwaan na dai tolos nakasumiter kan saindang damaged report huli sa wara-wara pa an signal kan internet asin telcos.


Sa partial report ni Department of Agriculture executive regional director Rodel Tornilla, nagaabot na sa P2 bilyones an daños sa agricultura kaayon na si apektado si ataman na mga hayop asin gulayan.


Sa Department of Public Works and Highways (DPWH), sinabi man ni Director Virgilio Eduarte nagsakat na sa P1.2 bilyones an saindang daños sa infrastraktura kabali si tinampo, tulay asin sa iba pang edificio kan ahencia.


Si Director Gilbert Sadsad kan Department of Education (DepEd), sinabi igwa nang partial damaged report na P1.1 bilyon kadakli sa mga classroom asin iba pang facilidades sa mga escuelas publika.


An sinambit na cantidad kabali si mga total damage, partial damage asin man major damage.


Igwang bagong mga edificio an DepEd, an kaayon sa listahan sa damage report.


Pighahalat pa kan DepEd an iba pang damage report hali sa mga coastal na barangay nganing makumpleto na an saindang report sa PMS. (DPAureus) 
 

Share on Facebook
Share on Twitter
Please reload