Paraoma sa Masbate pirit pinasumpa na mga NPA

December 20, 2019

Maabot sa 147 manga paraoma sa Masbate an pirit pinataas an saindang toong kamot  kan militar kan nakaaging Deciembre 10 nganing kuanan nin bidyo asin paluwason na New People’s Army surrenderees.


Si Lorna Buna Ade, Jocelyn  Odyuca kan Masbate People’s Organization asin iba pang grupo nin kababaehan sa Masbate, Masbate nag-atubang sa entrevista kan Bicol Mail nganing ibulgar an padagos na nangyayaring militarisasyon asin pagbalga sa  deretso humano kan militar sa saindang provincia asin hagad na an inbestigasyon kan Commission on Human Rights (CHR).


Pigbuyagyag ni Ade na mayo sindang madulokan na opisina kan CHR asin media sa Masbate asin digdi na sa Ciudad nin Naga nag-atubang sa prensa nganing ipaabot an nangyayari sa Masbate.
Afuera ki Ade asin Odyuca, nag-atubang man sa BM si Careen Mijares kan Dumurog, Esperanza, Masbate asin iba pang paraoma na nagdedenuncia sa mga human rights violation kan militar sa saindang lugar.


Nagpaluwas nin manifesto laban sa mga ginigibo sa sainda kan grupo militar iyo sinda; Alejandro Ramos kan Tindog Pamuluyong Masbateno, Estilita Becamon kan Samahan Magsasaka sa Masbate, Pedrito Delarama kan Kilusang Magbubukig ng Masbate, Jonathan Pagatpat kan Bicol Movement for Disaster Response Masbate asin Catherine Rabadon kan Samahan ng kababaihang Magsasaka sa Masbate.


Sa manifesto pigbuyagyag na sinda lihitimong organisasyon sa Masbate nganing mag-atendir sa ika-71 anibersayo kan international declaration  of  Human Rights na pigrurumdom cada Deciembre 10.


Alagad an 147 paraoma fuersahan binagat kan mga elemento kan Civil  Military Operations kan Philippine Army, Provincial Mobile Force, asin Military Intelligence Command (MICO) puon alas 9:35 nin aga hasta alas 3:00 nin hapon.


Sinabi pa na sarong nagpabistong Rico Amareo kan MICO asin sarong nagpapamidbid sa apelyidong Bello kan Civil Military Operations kan Phil. Army, alagad napag-araman an saiyang tunay na pangaran iyo si Lt. Margie Liloc, ilegal suboot an saindang paggamit sa training center dawa na ngani igwang pagtugot an Capitolyo na gamiton ini puon kan Deciembre 9 hasta Deciembre 10.


‘‘Sapilitan kaming pinapirma sa blangkong papel, pinataas an aming mga kamay at kinunan ng bigyo at pinalawas na mga NPA surrenderees. Tinakot pa kami ni Liloc na kapag nakita kaming muli sa rally ay magpapantay na an aming tuhod’’


‘‘Noong araw ng Deciembre 10, nauna nang pumunta sa training center sa Brgy. Nursery, Masbate City si PSWDO head Amy Danao na nagsasabing may mga rebel returnees sa venue na iyon samantalang mga lehitimong magsasaka an naroroon.


Sinabi mismo nang nagpakilalang si Bello na si Amy Danao ang nagsabi sa kanila na may mga rebel returnees sa nasabing lugar’’.


An mga acusasyon kan militar na sinda mga NPA, pinahimotikan kan mga paraoma.

 

PALIWANAG KAN PHIL. ARMY


Sa lado kan 9th Infantry Division kan Philippine Army sa Bicol na may base sa Camp Elias Angeles, Pili, Camarines Sur, sinabi ni Army Major Ricky Aguilar na legitimo an ginibong programa kan saindang pag-iriba sa Masbate kan Deciembre 10. (dpa)

Share on Facebook
Share on Twitter
Please reload