Panghihipa sa militar inako kan rebelde

December 27, 2019

Binabasol kan Romulo Jallores Command (RJC) an mga soldados kan 92nd Division kan Philippine Army sa brgy. Baay, Labo, Camarines Norte kun sinda inatake kan mga rebeldeng New People’s Army sa primerong aldaw kan holiday ceasefire huli kan dai pagsunod sa suspension of military operation (SUMO).


Ini an pinaluwas na press statement ni Richard Buenavista kan RJC sa Bicol kasunod kan saindang ginibong panghihipa sa mga soldados kan gobierno na nagresulta sa pagkakagadan kan sarong soldados asin anom an iredo na naka-confined pa sa hospital.


Saiyang sinabi na dapat irespeto kan militar an SUMO mantang pigdeclara na ni Presidente Rodrigo Duterte an holiday ceasefire alagad padagos pa kan saindang operasyon.


Alagad an paliwanag kan 9th ID sa paagi ni Army Major Ricky Aguilar pabuelta na sa campo an mga soldados kasunod kan holiday ceasefire alagad inatake kan mga rebeldeng grupo na ginamitan pa nin improvised explosive devices.


Deciembre 23 hasta Enero 7, 2020 iyo an peryodo kan pigdeclarang holiday ceasefire ni Presidente Duterte alagad kan Decembre 23 tolos binalga kan NPA an untok putok, sabi pa kan 9th ID.


Igwa man suhay na mga hinipaan an grupo kan pulisya sa Iloilo asin an responsable iyo an kumunistang rebelde. Ini malinaw na mga pagbalga sa declaradong ceasefire kan CPP/NPA/NDF asin AFP.


An mga soldados kan gobierno buelta na muna sa saindang campo mantang suspendido an combat operations.  (dpa)                                                                                                                                        

Share on Facebook
Share on Twitter
Please reload