‘Oplan Biyaheng Ligtas’ kan LTO bantay sa mga terminal

January 3, 2020

 Law enforcers kan LTO District Office sa Ciudad nin Naga nag-iinspeksyon sa mga pampasajerong lunadan sa terminal tanganing maseguro na mayong depekto an lunadan asin ligtas sa viaje an pasajeros.
 

Nganing maseguro an ligtas na viaje kan mga pasajeros  sa  bus  asin jeepney kan panahon nin pasko asin ngonian na bagong  taon an district office kan Land Transportation Office (LTO) sa Ciudad nin Naga padagos kan saindang inspeksyon sa mga terminal asin igwang dai tinutugotan na magviaje kun igwang depekto arog kan kalbo nang gulong.


Sa paagi kan ‘’Oplan Biyaheng Ligtas’’ an law enforcers kan LTO digdi na pinangenotan ni Frederick ‘’Eric’’ Torrecampo asin saiyang mga pagiriba dawa panahon nin bakasyon nagkaperang veces pigbabalikan an Bicol Central Station, van asin jeepney terminal nganing saindang ma-inspeksyon an mga pampasajerong lunadan.


Saindang pig-iinspeksyon an mga gulong kan bus,  van, asin jeepney dawa minor defect arog kan dai naghihirong wiper saindang pinapaayos antes tugotan na makapag-viaje.


Igwang nagkaperang van asin jeepney na pundido na an headlight dai pinaviaje sagcod na dai pigpakarhay.
Kabali sa saindang pig-aaram an dokumentos  nganing maaraman kun igwang franquicia hali sa Land Transportation Franchising and Regulatory Board (LTFRB). 


An ‘’Oplan Biyaheng Ligtas’’ saro sa programa ni Bicol LTO Regional Director Noreen Lutey na pig-iimplementar kan mga district office digdi sa rehiyon cinco tanganing maseguro an ligtas an ribo-ribo pasajeros na mga bakasyonista an nagpuruli digdi sa Bicol asin buelta naman ngonian na semana sa Manila asin sa iba pang provincia.  
 

Share on Facebook
Share on Twitter
Please reload