Condor-Piston nanindugan vs jeepney modernization

January 30, 2020

Modernong jeepney pinaheling na kan LTFRB asin LTO sa ginibong caravan sa Ciudad nin Naga asin Legazpi. (Imoney.Ph)

 

Nag-aandam na an Land Transportation Franchising and Regulatory (LTFRB) sa  jeepney modernization mala ngani nagkaigwa na nin caravan kan bagong vehiculo sa Ciudad nin Legazpi asin Ciudad nin Naga.


Alagad an sektor nin transporte nag-apelo sa LTFRB  na kun iimplementar na an pigmamando kan administrasyon Presidente Duterte, dapat bakong fekeng modernization.


Si Joel Pillogo, lider kan Condor-Piston Bicol nagpahayag sa Bicol Mail na pinaheling man kuta sa publiko an modernong jeep karibay kan loma kinakayod sa ngonian kan mga operator sin tsuper alagad magadan ini sa saindang hanap buhay.


Pag-phase out an ginigibo ngonian kan gabos na jeepney asin ribayan kan milyon pesos na presyo kan modernong  jeep buot sabihon si mga loma dai na ikakayod  envez pampribado na sana, sabi pa ni Pillogo.
Pigpaliwanag ninda kun tano ta inaapod na fekeng modernization  nin huli ta an ginigibo ngonian kan gobierno luway-luway na ginagadan an saindang pagbuhay mantang dai kakayahon kan mga operator an presyo kan E-Jeep.


Inaabot nin labi sa on milyon pesos an cantidad alagad pigmamandohan pa an transporte na magmukna muna nin cooperativa kun bako man irehistro bilang corporasyon.


Kabali pa sa estrictong policia na dapat an sarong  jeepney association igwang sadiring garaje asin hagad ninda na masunod an jeepney standard.


Si Nonoy Dy, lider kan secktor nin transporte sa Libmanan, Camarines Sur nagpahayag na saindang pinapaboran an bagong jeep huli ta dakula asin mahiwas an laog kumpara sa presenting kinakayod na jeepney.      

     
Gamit an solar power dai na magrereclamo an transporte kun nagpaparalangkaw an presyo kan produkto nin petrolio.


An presyo kan air conditioned na jeep inaabot nan in P2.4 milyon babayadan sa laog nin pitong taon asin anom na por cientong interes. (dpa)            

Share on Facebook
Share on Twitter
Please reload