Construksyon kan Bicol expressway masikad na

February 13, 2020

Matapos kan feasibility study sa mga lugar na aagihan kan icoconstruhir na Quezon-to-Bicol expressway project an Department of Public Works and Highways (DPWH) nag-aandam na sa iimplementar na proyecto sa lindong kan Build-Build-Build program ni Presidente Rodrigo Duterte.


Si  DPWH Secretary Mark Villar nagsabi an proyecto piglalaoman mapuon ano man na cuarto ngonian na taon sa Pagbilao, Quezon, asin ini masundo sa Maharlika Highway sa San Fernando, Camarines Sur.


An proyecto maylaba nin maabot sa 220 kilometros asin magiging alternativong pagviaje haling Quezon asin sa mga provincia kan Bicol.


Sinabi kan DPWH an Quezon-Bicol Expressway project clasificado bilang significanteng proyecto nasyonal nin huli ta ini masumpay sa provincias kan Quezon asin Bicol, na nag-uuswag nang mga provincia sa Southern Luzon.


Katuyohan kan proyecto nganing mag-asenso an aagihan na mga lugar asin magiging alternativo sa mga commuters na mag-agi sa bagong ruta mantang an orihinal na tinampo nag-aagi sa mga poblacion kan manlaen-laen na municipalidades.


An proyecto dakulang bagay sa sektor nin agricultura mantang madali na an pagtransportar nin mga produkto bako sanang sa pag-ultanan kan Bicol asin Quezon alagad maging sa norteng parte kan Luzon nin huli ta madali na an oras kan viaje.


Afuera kaini, mababawasan an problema sa trafico sa Ciudad nin Naga mantang si mga viajero na mayo man nin tuyo sa ciudad dai na kaipuhan mag-agi digdi.
   

Share on Facebook
Share on Twitter
Please reload