Pagbasura kan VFA kulang sa pagaadal

February 21, 2020

Apesar kan mga pakiulay kan AFP, Senado maging iba pang opisyal kan gobierno alagad naging marikas an desisyon na mayong consultasyon nganing  padarahan nin notice of termination an Estado Unidos sa  Visiting Force Agreement (VFA) entre kan Filipinas asin kan Estado Unidos.


Ini an reaksyon ni Bise Presidente Leni Robredo sa miembros kan media sa Ciudad nin Naga sa desisyon ni Presidente Rodrigo Duterte na ibasura na an VFA.

 


Nag-atendir si Robredo  sa General Assembly kan Senior Citizen Federation sa Pili, Camarines Sur kan Febrero 12


‘Nakakagulat iyon. Nakakagulat na ganoon kabilis, nakakagulat –kasi iyong naiisip o iyong pumutok iyon coronavirus. Iyon agarang pagdesisyon ng pamahalaan kinakailangan para maproteksyunan iyon kalusugan ng mga mamamayan, pero naghintay pa ng ilang araw bago nagdesisyon’, sabi pa kan Bise Presidente.


Sinabi pa ni Robredo nagluluwas na iginilid sana si pakiulay kan AFP, maging kan Senado asin iba pang mga opisyal kan gobierno.


Nagtutubod an bise presidente dapat adalan na marhay asin dapat urulayan na marhay kaipuhan pang diskusyunan antes nagdesisyon, tano ta naghinadale?


Dakulang kahapotan pa kan VP na naghidale huli ta dai napaondrahan an kaalyado, angot sa kinaselang VISA.  Dai siya uyon sa desisyon mantang bako ining tama para sa seguridad an nakataya digdi kan nasyon.


Mientras tanto, an progresibong grupo sa Bicol nagpahayag na haloy na nindang kahagadan sa gobierno na ibasura na an VFA alagad duda sinda sa hinadali na desisyon ni Duterte asin igwa pang 180 diyas puon na marecibe kan Estado Unidos antes maging epektivo an notice of termination.


Sinabi kan Karapatan Bicol asin BAYAN na pabor sinda sa pagbasura na kan VFA huli ta grabe na an mga ginigibong abuso kan mga kano sa Filipinas arog kan pag-aabuso sa kababaehan, human rights violation asin pakiaram sa nasyon.


An isyu sa VFA nakatalaan isakat kan Senado sa Corte Suprema mantang cuestionable an hinadaling desisyon ni Duterte na ipadara tolos an notice of termination sa US.
 

Share on Facebook
Share on Twitter
Please reload