CSur negativo sa CoVID 19

February 27, 2020

Kun igwa man nagkaperang piglaog sa cuarentina nin mga patient  under investigation  (PUI) sa quarantine room kan ibang hospital nin gobierno sa Bicol alagad sagcod sa ngonian negativo pa an Camarines Sur sa coronavirus decease (CoVID 19).


Sa ginibong forum  kasoodmang aga sa City Hall na pigpadrenohan kan Philippine Information Agency (PIA) sa Camarines sur piglinaw ninda Dr. Rey Millena kan Department of Health CanSur asin Dr. Jose Ranola, ERED Chief kan Bicol Medical Center na mayong katutoanan kun igwa man nagluluwas sa social media nin huli ta fake news sana an inpormasyon sa publiko.


An opisina rehiyonal an dapat magpaluwas nin kumfirmasyon kun igwang mga patient under investigation na nagpositivo sa deadly virus, segun sa mga doktor.


Sa Camarines Sur an quarantine hospital namumugtak sa Bicol Medical Center mantang sa Albay yaon an Bicol Regional Training and Teaching Hospital asin igwa man pigbugtak sa ibang provincia kan Bicol.


Igwang  piglaog na PUI sa BMC alagad pakatapos kan 14 days quarantine period, anas nag-negativo dawa na ngani sinda igwang history of travel hali sa nasyon na igwa na kan naglalakop na CoVID 19.


Maging si mga opisyales lokal kan Magarao, Camarines Sur na hali sa Macau, China na anas nagpa-self quarantine pakatapos kan katorce diyas gabos negativo, sabi pa kan DOH.                           (dpa)

Share on Facebook
Share on Twitter
Please reload