9th ID balik operasyon vs CPA/NPA

May 21, 2020

Camp Elias Angeles, Pili, CSur. Magpapadagos an security operations kan mga soldados kan 9th Infantry Division kan Philippine Army sa Bicol laban sa armadong rebeldeng New People’s Army matapos magpaso na an unilateral ceasefire kan Abril 30 sa panahon kan enhanced community quarantine.


An mga soldados kan gobierno iginalang si declarasyon ni Presidente Rodrigo Duterte puon kan Marso 16 maging mismo si Jose Maria Sison, kagpundar kan Community Party of the Philippines, nagdeclara man nin unilateral ceasefire huli kan ECQ nganing magtarabangan an gobierno sa paglaban sa krisis sa salud huli kan coronavirus disease (Covid-19). 


Alagad an rebeldeng NPA sa Bicol iyo man sana an nagpasaway nagbalga sa untok putok naglansar pa nin ofensiva sa mga miembros kan militar kan Abril 10, 2020 na nangyari sa Brgy. Cabasan, Aroroy, Masbate, sabi ni Army Cap John Paul Belleza an opisyal na parapahayag kan 9th ID sa Bicol.


Sa sinambit na bakbakan, duwang mga rebelde an natalikop kan mga soldados asin nakumpiskar pa an duwang homemade na badil, sarong carbine rifle, anti – personnel mines asin mga bala.


An insidente tulos man kinundenar kan 9th ID apesar na sa panahon kan ECQ sa irarum pa kan unilateral ceasefire iyo pa an naghasok nin pan-aatake envez na magtabang sa problema sa krisis sa salud kan nasyon.


Kadakle sa mga lugar na yaon sa ECQ, binaba na sa general community quarantine alagad an Inter-Agency Task Force mayo nang planong irecomendar na buhayon giraray an ceasefire huli kan mga ginigibong pagbalga kan CPP/NPA asin an tropa kan gobierno balik sa mga security operations asin pagtabang laban sa Covid 19. 

Share on Facebook
Share on Twitter
Please reload