Transaksyon sa ilegal na droga nagbabalik sa GCQ

May 21, 2020

Ciudad nin Iriga – Naparalisar si transaksyon sa ilegal na droga sa Rinconada area mientras na estricto an awtoridad sa border line o mga checkpoint huli kan nakaaging enhanced community quarantine (ECQ).


Alagad kan ibaba sa general community quarantine an rehiyon Bicol nabubuhay naman an ilegal na actividad.


Ini an pahayag kan Philippine Drug Enforcement Agency (PDEA) sa Rinconada area na nagpabisto sana sa apod na Agent Nuts, kasunod kan saindang pagkaka-confiscar sa sarong suspechado kan cantidad na P170,000 na shabu.


Sa ginibong buy-bust operation sa Iriga Central Terminal sa Zona cinco, barangay San Roque, kan Ciudad nin Iriga mga alas cinco nin hapon Domingo, Mayo 19 na-arestar kan grupo kan PDEA asin Iriga City Police Station an suspechadong si Rafael Juico y Ocampo, 31 años asin nag-eerok sa San Francisco kan ciudad na ini.


Bako lang 25 na gramos nin shabu an saindang naconfiscar igwa pang medicine box na may nakasurat na ‘ascorbic acid’, quinientos pesos na boodle money asin cellphone.


An dorogista nag-aatubang na nin caso sa pagbalga kan Acta Republika 9136 o mas midbid sa Comprehensive Dangerous Drug Act of 2002. 

Share on Facebook
Share on Twitter
Please reload