179 LSIs nakapuli sa Bicol lunad sa PNR

Maabot sa 179 mga Locally Stranded Individuals (LSIs) an nakapuli na sa Bicol sa paagi kan train kan Philippine National Railways (PNR) kan Sabado, Hunyo 20 alagad an ika-duwang batch piglalaoman maviaje antes kan Hunyo 26.

Si Greg Mano, division manager kan PNR sa Bicol nagpahayag magkasurohay na nagbaba an pasajeros sa Sipocot Station, Libmanan Station asin Iriga City Station na tinabangan kan EDMERO kan Capitolyo Provincial kan Camarines Sur.

Piglinaw kan PNR na kun mayong pigbabang pasajeros sa Naga City PNR Station sa rason na mayong LSIs na residente kan ciudad.

An nagkapera man na mga pasajero sa Catanduanes asin Masbate nagbaba sa Ligao City Station sa Albay. An LSIs nakapuli sa Rehiyon Bicol sa lindong kan ‘Hatid Tulong’ na programa kan administrasyon Duterte asin kan PNR.

Sinda iyo si mga stranded na pasajeros sa Manila na nawaran nin trabajo kaibahan an mga familia mantang mayo na sinda nin hanap buhay sa Metro Manila asin dai nakapuli tolos nin huli kan lockdown asin dai pa tinutugotan na magviaje an pampasajerong bus.

Antes sinda pighakot sa Tutuban Station kan PNR nag-agi sa medical screening sa mga pighalian na LGUs sagcod na na-isyuhan nin medical certificate asin travel pass.

Nagconducir man nin rapid testing sa PNP Station sa Manila asin anas man sinda negativo sa coronavirus disease (Covid -19).

Afuera kan libreng transportasyon pabalik sa saindang provinciab, tinawan sinda nin cash assistance kan Department of Social Welfare and Development (DSWD), mga groceria, asin pagkakan sa saindang pagviaje.

An coordinasyon sa ‘’Hatid Tulong’’ program sa paagi kan Presidential Manager Staff (PMS) asin sa general manager kan PNR sa Manila.