Dating GMRC niribayan kan Edukasyon sa Pagpapakatao

July 17, 2020

Ciudad nin Legazpi -  An Department of Education (DepEd) sa Bicol nagpahayag na dawa hinale an Good Manners and Right Conduct (GMRC) alagad niribayan sana ini kan Edukasyon sa Pagpapakatao  curriculum.


Alagad kun bubuhayon sa masunod na school year 2020-21 dakulang tabang an ginibo kan mga lehislador na pigbalik an GMRC, sabi ni regional director Guilbert Sadsad.


Inaprubaran ni Presidente Rodrigo an pagbuhay kan GMRC na saro nang Acta Republica 11476 bilang GMRC and Values Education Act of 2020.


 Mas mapapapusog an Values Education subject sa mga estudiantes na puedeng itukdo ini aroaldaw alagad hahalaton muna kan DepEd an ipapaluwas na implementing rules and regulation (IRR).


Sinabi pa ni Sadsad dawa suspendido muna an face-to-face learning huli kan coronavirus disease pandemic, sa paagi kan saindang modular instructions puedeng tawan nin leksyon sa paagi kan pagbasa maging sa online classes kan magiging magayong na ugali.


Admitido kan DepEd na na-iiba na ngonian an ugali kan mga estudiantes maangotan sana nasumbong tolos sa magurang apesar na makakatabang ini sa tamang pang uugali ninda.


An ley saro nang comprehensibo asin kaayon na sa programa kan K- 12 curriculum kan DepEd karibayan kan presenting Edukasyon sa Pagpapakatao curriculum.


An GMRC nakatalaan nang itukdo aroaldaw sa kindergarten level, asin magiging suhay na subject puon sa Grade 1 hasta 6.


Sa grade 7 hasta 10 itutukdo bilang values education subject, asin isasaro sa GMRC. Para sa grade 11 asin 12, values education isasaro man sa gabos na subjects sa irarum kan K-12 Basic Education Currculum.


An GMRC, enot nang tinunaw bilang subject sa irarum kan K-12 program kan 2013. (dpa)
 

Share on Facebook
Share on Twitter
Please reload