Nakisalamog sa nagadan namay helang meningococcemia pigpa home-quarantine

Pili, Camarines Sur – Bako lang mga persona na nakisalamog sa nagpositivo sa coronavirus disease (Covid 19) maging si mga pigtutubodan nahawaan kan nagadan na pasyente na may helang nin meningococcemia an pigsusog para sa contact tracing asin dagos nang pigpa-home quarantine.

Si Alcalde Tomas Bongalonta nagpahayag na maabot quince katawo kabale an sarong albularyo an na-contact kan personaje de salud kan lokal na gobierno sagcod na pig-avisohan na magpa-home quarantine.

An aksyon kan LGU kasunod kan pagkakagadan kan dos años na aking babae huli sa helang na meningococcemia alagad dai naman sinabi kun saen na barangay nag-eerok.

Pigpatanidan sinda na dai na muna magluwas sa saindang residencia mientras na nagpapabulong nin huli ta dai muna dapat sinda makisalamog sa arin man na tawo.

An mga naka-home quarantine an nasa pag-monitor kan personajes kan salud kan barangay asin LGU nganing maseguro an regular na pagbulong asin binabawalan na magparaluwas sa saindang residencia.