Mga vocal na sr. citizens sa SP dai na pinapaatendir sa sesyon

August 1, 2020

Pili, Camarines Sur – Dai na kinakaipuhan an presensya pisikal sa  mga sesyon regular kan junta provincial kan Camarines Sur an mga senior citizens envez makakaparticipar sa paagi kan online.


Ini an saro sa nahaman sa pag-enmienda kan saindang internal rules nganing dai na obligaron an mga pag-iriba ninda na senior citizen mantang an Session Hall yaon sa Pili, Camarines Sur asin an ibang vokal hale pa sa ibang mga distrito kan provincia.


An reglamentong ini kan SP nin huli sa patanid kan Department of Health (DOH) na an mga senior citizen dai na kaipuhan magpararuluwas sa saindang residencia sa tahaw kan padagos na naglalangkaw na caso kan coronavirus disease (Covid 19).


Alagad sa treceng miembros kan junta provincial kabale na digdi si Bise Gobernador Imelda Papin asin duwang ex-officio member duwa sana an rehistradong mga senior citizen na puedeng makaparticipar sa paagi nin online iyo sinda Vocal Emmanuel Llaguno kan ika-apat na distrito asin an bise gobernador na nagtutukaw bilang presiding officer.


Dawa na ngani yaon na sa internal rules kan SP alagad si Llaguno pinagmarhay na ipadagos niya an pag-atendir na yaon an saiyang presensya pisikal.


Si Bise Gobernador Papin iyo sana an minsan na participar sa sesyon sa online kun yaon siya sa Manila alagad dai dapat siya magtukaw bilang presiding officer envez bilang miembro asin an natukaw na acting presiding officer iyo si Vocal Romulo Hernandez kan segundo distrito kan CSur na iyo si naging topnotcher  sa resulta sa eleksyon lokal.


Alagad afuera kan pagparticipar sa online kaipuhan sa sarong bulan mag-atendir  giraray pisikal sa sesyon.


Kabale pa sa internal rules na si mga vocal na yaon sa official business (OB) dapat magparticipar  giraray sa sesyon regular sa paagi nin online.


An mga miembro kan SP na bako pang miembros kan senior citizen sinda Trexy Clemente kan premir distrito; Romulo Hernandez asin James Jaucian parejo kan segundo distrito; Angel Naval asin Nelson Julia kan tercer distrito; Jayjay Pilapil kan ika-apat na distrito; Ruperto Alfelor, Wilfredo Julio Oliva asin Emmanuel Noble, gabos kan cuarto distrito asin an mga ex-officio member na sinda, Nelie Largo kan Liga ng mga Barangay asin Russel Pala kan SK Federation. (dpa)

Share on Facebook
Share on Twitter
Please reload