Huring 4 na Decada (Bicol Broadcasting Part III)

October 30, 2020

 

Bago magtalikod an decada 60 bako nang palagong-lagong asin paporma an mga taga-broadcast media sa Bicolandia.


Ta mahiro na kadto an mga school campuses arog kan UNC, Ateneo asin CSSAC mas gulpi na an mga bareta sa lado local asin field reports kan mga radyo reporters asin volunteers bako lang dapit sa mga rallys asin demonstrations kundi dapit sa mga NPA asin rimong-rimong sa politika orog na sa mga nakatukaw sa nasyonal asin local na gobyerno.


Nagpoon nanglataw na sa aire an mga pangaran asin boses na Henry Briguera, Fiorel Salvo, Dun Cox, Ernie Abragan, Sammy Garcia Poloyapoy, Eddie Imperial, Ramon Raṅola, Nancy Sto. Domingo, Jocelyn Faustino Fortuno asin an mga baguitong sa Celso Baguio, Ben Milano, Diony Tubianusa, Ramon Verdadero, Mike Julia, Dave Severo, Lina Paglinawan, Tony 


Aberca, Gabby Bordado, Vangie Pontejos, Oscar Monteagodo, Rudy Largoza,Jing Florese, Badong Royales, Larry Brocales, Jess Resuena asin mga tagulipdan kan DZDR.


Padagos pa an broadcast ninda paglaog kan dekada 70 sagkod na magparong an tanog kan radyo kan Sepyembre 72 huli sa Martial Law.


Kan an mga tao magkunong na huli kan disiplina kan Martial Law nagbaralik na si mga sinarahan na estasyon apuera kan DZRB na sadiri kan ABS CBN/Lopez, nagsangli an DWNW sa Mabolo saka an DZKI-TV 9 sa Iriga.


Sa Iriga si Sammy Garcia an manager kan KI, sa Naga nagbukas an DWNW/Radyo Budyong sa pangengenot ni Mar Crisostomo alyas Kuraw-kuraw.An mga bagong announcer sa Elmer Abad, Alex Parfan, Gil Basmayor Jr., Joel Crecini, Wasoy Florin, Pete Servano, Lalaine Arcilla asin Rodel Repuesto alyas Patianak/Pati Baby.


Nagluwas naman ang pangaran na Ammy Garcia asin Tess Baṅares.


Si Rick Diaz nagpoon dramatista sa DZDR alagad nabisto kan magbalyo sa DWRN/DZHN, naglaog na an Tony Betito sa DZGE komo announcer- newswriter mala ta nabisto tulos kan publiko asin naimbitaran magkandidatong bokal kan Camarines Sur kaya lang derotado man.


Sa katahawan kan decada 70 naglaog na si Mario Ochoa, Mar Joson, David Nopre, Boyet Paderes, Mon Belgica, Larry Basmayor, Bert Delos Martirez, Gil Villareal, Boy Pabon, Arthur Israel, Dad Silvestre, Bert Loquinario, Grace Refama.


Kan 1976 kan an Broadcast Media Council magdesisyon na an mga broadcasters mag-eksamin nganing magka-igwa nin KBP Accreditation. An nag top notcher sa Camarines Sur iyo si Tonny Betito kan DZGE.


Kan 1977 pig-organisar an Associatio of TV and Radio Announcers of Camarines Sur o ATTRACS.


An primerong presidente si Sammy Garcia, vice-presidente si Celso Baguio asin si Ernie Verdadero an secretary general. Alagad kan kunon kan Office of Media Affairs si Sammy, si Celso nag-adal abogasiya sa Manila nawalat si Ernie Verdadero bilang presidente asin si Elmer Abad bilang vice-presidente.


An primerong project kan ATTRACS kan 1978 iyo an Mike Hanopol Rock Band Concert sa UNC. Nagpano sagkod sa kisame kan gym asin nangamyong mariuana . May mga nadakop na nagtsotsongki sa itass kan gymnasium na mga taga-Rinconada alagad dai man dinarakop kan mga pulis ta bako pang mahigpit kadto.
Kan taon 1978, iyo man an pagbukas kan primerong FM station sa Bikol an DWEB FM sa pangengenot ni Dun Cox bilang station manager. Ini an sister station kan DZGE sa lindong kan Filipinas Broadcasting Network.


Gusto kuta na kan mga para-antabay na FM station, AM programing tanganing makabuelo an mga bareta ni Rufo Tuy Jr. alagad na unsyami ta habo kan top management. Kaya ngani daa FM ta “Furo Music” kaya an mga enot na DJs sa FM apuera ki Dun Cox si Sammy Garcia, Marlyn Habana, Al Lanuza, Emman Llagas, Al Ubaṅa, Don Padua.


Martial Law pa pero paglaog kan kan decada 80, makusog na an political atmosphere sa Cam. Sur.  Kan 1982 an pinakamakusog na estasyon sa Bikol an BBS-DWLV 10Khz binuksan. Ini an pagsasadiri ni Trade Minister Luis Villafuerte na ginamit sa karampanyahan sagkod eleksyon kadto ni Presidente Marcos kontra ki Heneral Alejo Santos. Op kors gana si Marcos.


Dahil ta an signal lakop lampas Kabikolan abot Palawan asin Quezon kaya suminikat an DWLV poon sa may sadiri na si LRV sagkod sa manager na si Butch Robredo (tugang ni Jesse Robredo), production manager na si Ernie Verdadero, Gil Basmayor Jr., Winnie Ceas, Manny dela Rosa, Rick Diaz, Oscar Monteagodo, Cris Rances, Jojo Amador.


Poon kadto lalo na kan magbukas an Bombo Radyo na iyo an nagbakal kan DZDR sa Ravanera family nagparadakul na an AM saka FM stations sa Naga, Iriga asin Cam. Sur. Kadakul-dakol nang narecuit na mga announcers, DJs, editorialists, commentators asin field reporters.


Sa parteng ini naglaog na si Orbel Cepeda, Jonathan de los Santos, Criselda Dionecio sa Bombo Radyo. Sa kadakul-dakol na mga estasyon asin announcers dai na magkatarandaan an pangaran kan mga estasyon asin mga bagong broadcasters.


Nagbukas an ABS CBN asin GMA 7 na nagkaigwan nin mga lokal na programa asin mga anchors asin reporters. Grabe na si kompetisyon kan kadakul-dakol na TV asin Radio station kaya nagbalik si panahon na haros dai na magkabiristuhan an mga broadcasters digdi sa Bikol maski magsarabatan sa tahaw kan tinampo.


Enot nagkaigwa man nin TV station arog kan PTV 4, asin an TV 5, PBN.


Kan 1994 binuksan ni Al Ubaṅa an DWNX FM, labing sarong decada poon planuhon na an FM station maguin AM programing.


Kan 1978 sagkod 1994 huli ta baraguhon an mga taga-Naga asin mga Bikolano maski sa ngaran nin broadcasting kaya biglang suminikat an NX  suminikat man sa David Dollano, Jo Osabal, Ed Ventura, Grace Inocentes, Mike Marfega, Manny Basa asin Paul Santos.


Kadto nagkakapira sana an political stations bako lang sa Naga o Iriga kundi ngonyan sagkod nang Partido, Nabua, Baao, asin Libmanan politika na baga an tono.


Abangan an tunay na bakbakan bako lang sa masunod na eleksyon kundi sa ralaban kan mga propagandista on the air asin off the air sa 2022. 


Mag-antabay sa birikan kan mga radyo, TV asin Facebook Live.


(Pahabol: Sa kadakuldakul na broadcasters poon pa kan nakaaguing siglo kaya may mga dae nakaiba sa halabaon na listahan. Pasensya na po mga kabado, kasama, kabisyo, ka-OK, ka-Bombo, ka-Kampi, kaibigan, kabisto, ka-etcetera. Abangan an part 4 kumpleto na. Dios mabalos.)

Share on Facebook
Share on Twitter
Please reload