Gabos # 1: Kasama, Kakampi, Kaibigan, Kabisyo, KaBombo, Ka-OK, etcetera (Bicol Broadcasting Part IV)



Nag-abot an punto ngonyan pa lugod na igwa nang FB live streaming asin gabos na klaseng social media outlets naguin mas popular an mga taga radyo.

Dati kadto an mga announcers better heard than seen, mas marhay hilingon kesa dalanon alagad ngonyan an mga plantitos asin plantitas sa aire nadadalan bako lang digdi sa Bikol, o sa ibang parte kan Pilipinas kundi sagkod sa abroad.

May audience participation, may request and dedication, may pa check attendance pa.

Kun an mata mo nasa facebook mas enot mong mababasa an mga pangaran kan radio stations o TV stations o mga pangaran kan announcers bago maheling an FB messages o private messages na para saimo.

Madangog ka muna kan mga bareta, platika, weather forecast ni Mike Padua asin kan PAGASA Legazpi asin Manila asin analysis kan direksyon kusog, signal kan nagdadangadang na bagyo o maraot na kamugtakan kan panahon.

An dai lang nagbabago an military o police English sa blotter na pigtratranslate o pigdadakit nin tataramon hali sa broken English pasiring sa broken Bikol.

Mahelig na pati an mga announcers na magamit nin direct translation hali sa computer pasiring sa nguso asin sa mga para-antabay. Si terminong dai kayang i-translate na Tagalog o English naluwas sa nguso kan broadcaster si orihinal na English o Tagalog term o idtong pig-Bibikolize na mga termino hali sa dayuhan na tataramon.

An uso ngonyan pakaraskasan pagbareta pati pagtaram kan bareta. Kaya an guibo lugod kan paradangog tangarig makua an tunay na impormasyon iyo an birikon an birikan kan radyo o telebisyon sagkod na makua an katotohanan.

Gulpi an commercials, time check na sana an pag-ultanan kan lambang saro kaya kun minsan maka-uyam nang magdangog kan bareta, mas marhay pang magbalik sa diyaryo magbasa kan headlines asin detalyes. Garo an mas importante ngonyan sa parte kan management o may sadiri kan estasyon iyo an mag-jackpot sa income asin ganansya.

Kaya sakripisyado an suweldo kan mga tao. ***** Mga ero-ilagang magkarilingawan na mga pangaran kan mga broadcasters sa Bikol na dai nasambit sa enot na tulong kabtang kan column na ini: Eddie Pilapil, Ben Rito, Rudy Clavero alyas “Ompong”, Jun Lagrimas, Anjo Julia, Diony Parma, Erap Escriva, Bon Santiago, Rolando Flores alyas “Andoy Pakoykoy”, Johny Dematera, Susing Opiana, Didoy Santa Ana,Ben Olleta aka “Pamela”, Abner Abiera, Alice Lorena, Jocy Macalindog, Delia Volante, Tina Aureus, Jun Begino, Leziel Macatangay, Elaine Parma, Malou Mercado, Lito Lopez, Rolly Bosquillos, Jimmy Letada, Junel Cuba, Raul Sudsod, Joel Buena, Jun Baṅas, Jeffrey Pasubilio, Rocky Bayobo, Noel Agravante, Noriel Oya, Tess Binondo, Adonis Aguilar, Efren Ramos alyas “Andres Bonifacio”, Nick Awa, Nimfa Dela Torre, Evelyn Dumas, Felix Abaṅo, Zeny Najera, Dan Russel, Wally Rumanilios, Noli Orbita alyas “Sexy Animal”, Josie Pontejos, Wally Vargas alyas “Wasiwas”,Joey Lim, Dhon Hugo, Boy Agta, Mylce Mella, Rica Loca, Dawn Jimenez, Ronnie Dela Torre, Glo Bongaes, Lito Del Rosario, Danny Cuerdo, Jun Cornelio, Dune Derla, Armie Azor, Edwin Lara, Frank Sotero, Rizza Mostar, Gerald Lorbes, Gil Villareal, Daryl Baṅas, Remy Manchus, Bong Villacruz, Joel Jeremias, Joey Sarcia, Lalaine Arcilla Gavino, Larry Javier, Leo Barcellano, Cris Bersabe alyas “Macho Bibbo”, Macky Macho, Mikay, Mr. Siram, Myra Revilla, Ronel Peṅaflor, Arnold Suave, Jake Fortaleza, Rick Lozano, Rick Rebuya, Romar Vasquez alyas “Kristsuper”, Roy Ranoco, Roel Clemente, Renie Orellosa, Lito Sanchez, Bong Echaloce, Julius Manahan, Mafie Mariscal, Ronel Natura, Dicky Gumabao, Tere Iraula etcetera, etcetera, etcetera…. Paki-ulay kun igwa pa guiraray kaming nalingawan na pangaran sa kadakul na pangaran na nagralayog sa aire kan Kabikolan pakipa-abot lang tabi sa paagui nin text, apod sa cellphone, facebook asin via messenger.

Salamat saindo gabos.

Kulibat ko palan an latest radio celebrity ngonyan na mga ngonyan iyo si Luis R. Villafuerte Sr.