An samuyang henerasyon

Kan magbisita kan sarong semana si Manny asin Cynthia Villar asin miyembros kan saindang pamilya sa saindang Vista Mall asin duwang subdivision kan Camella sa barangay Del Rosario naguiromduman ko an samuyang henerasyon.

Pinapanginotan palan kan pamilya Villar an samong henerasyon bilang pinaka-mayaman sa nasyon. An mga Villar haros ka batch kan sakuya man na ka-kontemporanyo sa high school asin college sa UP, sa Ateneo, sa La Salle, sa Universidad de Santa Isabel, sa UNC, sa Trade school, sa Camhi, sa Aquinas saka Saint Agness sa Legazpi, sa Bicol University asin ibang parte kan Pilipinas, sa Visayas asin Mindanao.

An mga namundag paka-giyera mundial numero II orog na sa ika-duwang parte kan dekada 40 kan naka-aguing siglo dekada 50 asin amay na parte kan dekada 60 iyo an mga pig-aapod na post-war babies o baby boomers kun suarin nagpoon na magbutog an populasyon kan Pilipinas.

An mag-agom na Villar amigo intimo kan sakuyang kaklase sa high school na si Carlos “Toots” Perez, primerong marketing manager kan sikat na Jollibee.

Si Manny Villar na aki kan sarong biyudang negosyante sa Divisoria naguin kaklase sa UP Diliman si Cynthia Villar na aki kan mayaman na pamilya Aguilar sa Las Piήas, Rizal.

Kun panahon nin summer vacation bisita siya sa Naga asin Camaligan kan pamilya Prado asin Perez. Dahil ta matatali mala baga ta bako lang na naguin mga miyembros kan senado, an saro naguin Senate President, si Cynthia incumbent asin may aki pa sindang incumbent Senator, si Manny ngani nagkandidato pang presidente kan 2010 dinaog lang ni Pnoy Aquino and the rest is history.

Espesyal an paguiguin pinaka-mayaman kan mga Villar nin huli ta sinda mga tunay na Pinoy bakong may dugong Tsino o Espanyol arog kan kadaklan na mga mayayaman sa Pilipinas.

An samong henerasyon magpoon mag-ereskwela sa elementarya, high school asin kolehiyo mga simple man sana kaya lang apuera kan matatali, mahigos pang mag-aradal asin decididong magservi bako lang bilang negosyante kundi bilang mga opisyales kan gobyerno asin kan nasyon.

An mga aki kadto mayo pang modernorng kawatan, nag-guiguibo nin saderi bakong binakalan. Mayo pang gadyets, cellphone o laptop. An mga kawat kadto taraguan, aragawan base, patentero, taratsian asin step yes-step no sa mga babae.

Nagpoon an dekada 50 trangkilo pa an panahon pakatapos kan giyera, an Pilipinas pa an kunsideradong pinaka-asensado sa Asya sunod sana sa Hapon.

Nag-abot an dekada 60 orog na kan kasagsagui kan giyera sa Vietnam biglang nagmuklat an mata kan mga juvenes asin estudyantes asin nag-aspirar nin katuninungan sa kinaban kabali na an Pilipinas.

Diyan nagburutwa an mga lideres na juvenes asin estudyante arog ka Jose Maria Sison, Nur Missuari, Edik Serrano, Ruben Santiago, Dominador Discaya, Rene Villabroza, Pol San Buenaventura, Zeny Najera, Gabriel Hidalgo Bordado Jr, Ben Muego, Vicente Ladlad, E. Boltaire Garcia II, Meriam Defensor, Gloria Macapagal, Rodolfo Del Rosario, Ramon Santiago, Angel David, Nasario Racoma, Nestor Jestiada, Efren Santos, Popoy Hernandez, Eddie Imperial, Antonio C. Betito, Bong Baylon, Feniemore Madrid, Antonio Martirez, Antonio Frio, Dario Sabolarse, Cieleto Habito, Teresa Habito, Loida Nicolas, Liwayway Vinzons, Violeta Calvo, Monlee, Roxlee, Romeo Lee, Ruben Lee, Felicitas Pado, Maria Dela Torre, Manny Dysuanco, Rafael Casungcad, Ernesto Iglesia, Manuel Arejola, Sal Fortuno, Raul S. Roco, Sonia Malazarte Roco asin iba pa na namayo kan mga manlaen-laen na grupo arog kan Samahang Demokratikong Kabataan (SDK), College Editors Guild, Federation of Free Farmers, Khi-rho, National Union of Student of the Philippines, Bicol Union of Students pati an Communist Party of the Philippines.

Nagpoon nang mag-rebelde an mga juvenes kontra sa gobyerno na nanungod na patukawon na si Presidente Ferdinand Marcos Sr. kadto sa Malacaήang.

Bako lang sa Manila, bako lang sa UP campus sa Diliman QC naulakitan na an San Beda, Letran, pati UP Los Baήos asin nakaarabot nang Naga asin Legazpi, Cebu, Davao asin iba pa.

Nagpoon na si mga martsa, rallies asin demonstrasyon sa mga school campuses na naka-abot sa atubanagan kan Kongreso sagkod sa Malacaήang.

Naguin mainit na an panahon kadto lalo na kan ideklara an Martial law ni Marcos asin naguin aktibo man an oposisyon pati na an mass media.

Si mga ordinaryong namamanwaan nagkabirigla kaya an mga aktibista pig-aapod nang Communista.

Bako lang an gobyerno an pigkontra kundi pati an administrasyon kan eskwelahan pati kan simbahan asin enterong sistema.

Poon kadto dai na nungka nagbuelta an trangquilidad kan dekada 60 nagpoon nang maguin maribok na an politika sa Pilipinas asin may nagsarakat na sa bukid tanganing magrebelde asin magpalakop nin rebolusyon.

Ka-kontemporanyo ko man kadto si Edgar Gopson valedictorian kan Ateneo de Manila high school asin pati sa college kaya lang makusog an boot na nagtumang sa presidente kaya siya pinag-initan kaya siya nagsakat sa bukid, nagdulag pasiring Mindanao kun sain siya nagadan.

Gulpi an arog ki Gopson nagsakat man sa bukid asin nawaran buhay. Ka batch ko sa colleges asin ka-block section pa si Vic Ladlad aka “Enteng daldal” na sagkod ngunan aktibista pa.

Digdi sa Bicol an mga ka-kontemporanyo mi iyo sinda Florante Saltarin, Rudy Soltes, Pedro Hefe, Goyo Castilla, Victor Magdaraog, Conrado de Quiros, Junet Ayo, Jaime Arejola, Raul Borjal, Danilo Borjal, Romeo Ayuro, Cecilia Montenegro, Flaviel Contreras, Helen Terado, Emma Imperial, Marilou Federizon, Ester Leonardo, Johny Delos Santos, Jerry Claveria, Henry Briguera, Herculano Sabas, Leopito Montejo, Laly Gomez, Felix Abad, Antonio C. Betito, Cesar Hidalgo, Shulan Primavera, Domingo Boy Claro, Efren “Boy” Tosoc, Clemente Sarion, “Bogs” Adornado, Wilfredo Rodriguez Jr, Allan Paje, Marilyn Paje, Marilyn Monte, Humildad Claro, Juan Quijano Jr, Domingo Llaga, Cesar Tejada, William Abilay, Rodolfo Baldemor, Emil Saavedra, George Dumaguin, Roger Tormes, Alex Abad, Cynthia Peήalosa, Bogs Napoles, Mike Julia, Zeny Bragais, Delia Esguera, Vergie Estrada, Cesar Hidalgo, Bonifacio Sia, Ruben Sia, Ruben Santiago, Vic Ronan, Francia Reyna, Estan Islao de Castro, Sal Panelo, Romulo Quirino Fabul, Alfonso Llaguno, Eddie Pilapil, Jose Camano, Jaime Fabrigas, Emilio De Quiros, Antonio Sibulo Jr., Jimmy Veneracion, Floranie Polo, Vicente Hao-Chin Jr, Tomas Enrile, Tomas Bongalonta, Loreto Cabaήes, Pedrito Servano, Angelina Felizmenio, Veda Priela, Luz Equipado, Mediatrix Vallejo, Thelma Amador, Eden Dy asin kadakul-dakul pang iba, an iba nagtaralikod na, an iba nagrayaman, an iba arasinsado na.

Kadaklan sa samuyang henerasyon kartada 70 na sabi ngani ni Jun Poncia mga nasa 4th quarter kun sa kawat na basketball.

Kadaklan kan samong henerasyon naka-contribuir na marhay sa progreso, asenso asin kariribukan sa banwaan pati na sa politika.

An iba nagpapadagos pa kan saindang rebolusyon digdi sa Pilipinas asin sa abroad lalo na sa Europa.

Kami pasulnupon na alagad namamayagpag pa tanganing magguibo nin mga bagay-bagay na dai nungka malilingawan sa ibabaw kan kinaban.