top of page

Desinyo kan itutukdok na monumento ni Bonifacio yaon sa NHC

Yaon sa lamesa kan National Historical Commission an pagdesinyo sa plano kan City Hall na magpatukdok nin monumento ni Gat Andres Bonifacio sa New Balatas Development Center kan Ciudad nin Naga.


Ini an mga pahayag ni dating consejal asin City Administrator Elmer Baldemoro mantang pigtawan ngona nin prayoridad an konstruksyon kan mga importanteng edificio sa Balatas Development Center alagad dai naman sinabi kun nuarin poponan an proyecto.


Ngunian na Noviembre 30, 2023 iyo an ika-155 anibersaryo kan kamundagan ni Bonifacio asin liwat naman narumduman kan mga taga Ciudad nin Naga an planong monumento.


Kun mahaman an proyecto taon-taon magkakaigwa digdi nin okasyon sa celebrasyon kan aniverswaryo.


Enot nang sinabi kan City Administrator na si Bonifacio na saro man sa national hero asin ama kan Philippine revolution kun bako pa dahil saiya baka dai pa kita libredo sa pananakop kan dayohan na haros parejo man an nagin kontribusyon kan satong herwe nasyonal Dr. Jose Rizal.


An resolusyon pinadrenohan kan consejal pa si Baldemoro kan taon 2020 alagad tinurogan kan dating pamayo kan Arts Culture and Tourism Office (ACTO) na iyo an tinukahan kan Sanggunian Panlungsod na maghanap nin marhay na lugar para sa sinambit na proyecto.


Kan Deciembre 2021 an ACTO, City Engineer’s Office, asin SP an pinakahuring napili iyo an mahiwas na lugar kan New Balatas Development Area.


Sa ngunian an may mga monumento sa ciudad iyo herwe nasyonal Dr. Rizal na igwa sa centro asin Eco Park sa Brgy. San Felipe asin City Hall mantang kabali man an monumento ninda Jose Maria Panganiban sa laog kan laguerta sa Naga City Central School 1 na pigcecelebrar cada Febrero.


Ngunian na taon pig-atras ni Presidente Ferdinand Marcos Jr. an celeberasyon kan anibersaryo kan Noviembre 27 sa paagi kan pig-isyung Presidential Proclamation 90.

Comments


bottom of page