Search
IMPIYERNO PARA SA MGA ANGHEL
- Bicolmail Web Admin
- Nov 24, 2023
- 1 min read
Para ki Obet, Monet asin Lanlan
An kaagahon na pigraraot niato ngonian!
Mayo sindang boses
Mayo sindang mapagpipilian.
Mga aki sa bilog na kinaban
Tagapagmana kan kapalpakan kan mga gurang!
Si Obet, imbis na nasa escuelahan
Nagkakalkal sa basurahan.
Kaipohan niyang magkayod
Kun dae, siya bubugbogon kan amang batugan!
Si Monet, kinse años pa lang
Ginibong paraosan sa kadikloman!
Asin si Lanlan, hilingon mo
Todas sa giyera na siya mayong pag-aram!
Kadakol pa sinda, saimong pagmasdan:
Sa kalye, sa pabrika, kun saen-saen na lugar....
Mayo sindang boses
Mayo sindang mapagpipilian.
Mga makaherak na biktima
Kan satuyang mga kalokohan!
Mayong ibang padudumanan an mga kaakian
Kundi an impiyernong kaagahon na
piggigibo ta ngonian!
Comments