top of page

PATANID KAN PAGASA: Mas makuring El Niño mamateon sa 2024

Matapos ideclara kan Philippine Atmospheric, Geophysical and Astronomical Services Administration (PAGASA) an El Niño Alert huli kan halangkaw na posibilidad kan El Niño sa nasyon. Alagad an mas malalang tag-init sa enot na cuarto kan 2024 na magiging causa nin pagkaaralang kan kaomahan.


Si Fred Consulta kan PAGASA Camarines Sur nagpahayag sa entrevista kan Bicol Mail na piglalaoman na masikad an sobrang init kan panahon sa masunod na bulan nin Hunyo asin Hulyo asin maririsa nagpopoon na ngunian alagad kun sa laog nin tolong bulan na magkaigwa nin ‘‘below normal rain’’ digdi na mamateon na nagkakaigwa na nin El Niño.


An pigbabantayan ngunian na Mayo, Hunyo asin Hulyo kun padagos na kulang na an mga pagbulos nin uran asin iyan deretso na an labo-labong init huli sa El Niño na.


Sinabi pa sa BM kan PAGASA Camarines Sur an dakulang epekto digdi sa lado nin paraoma sa enot na cuarto kan taon 2024 huli kan kulang na an uran mahiwas na mga kaomahan asin tanuman magkakaaralang an daga.


Sa panahon kan first quarter iyo man an mga bulan nin summer na nagiging dahilan kan sobrang tig-alang.


Ngunian nagpopoon palang dai pang gayo mate kan mga paraoma, sabi pa ni Consulta.


Maging sa lado kan salod yaon an mga heat stroke, iba pang infectious diseases, epekto sa paghuros nin produkto sa agricultura mantang apektado an mga tinanum na gulayon asin pagbaba kan produksyon nin paroy asin sa mga ataman nin hayop.


Nagkakaigwa kan sinambit na calamidad kun an kadagatan sa katahawan kan Pacific Ocean nag-iinit an temperatura kan dagat sa bako nang normal na ‘‘above normal sea temperature’’.


Huli kaini, kun padagos na nag-iinit an temperatura an duros kaiyang nagluluya pasiring sa Filipnas na naresulta na kulang an nabibilog na panganuron na causa man kan kulang an uran. (DPAureus)


コメント


bottom of page