top of page

SA CBSUA: Mga job order, casual, infra proj apektado kan budget cuts

Bordado kinulit an House Speaker, ibalik an fondo sa SUC’s


Mamundo sa mga dating alumnus asin dating opisyal kan Central Bicol State University of Agriculture (CBSUA) kun dagos nang mangyari an propuesto 51 por ciento budget cuts kan 19th Congress kan state university sa Pili, Camarines Sur.

Si dating Presidente Magno Conag Jr. kan CBSUA nagpahayag na kun dai na magbabago sa budget deliberation sa 19th Congress an 50 por cientong budget cut sa state university ciertong apektado an mga job order, casual employees sa main campus asin sa duwa pang mga school campuses kaini sa Sipocot asin Calabanga, Camarines Sur.


Afuera pa kaini si mga nakalinyadang iimplementar na proyekto sa infrastractura asin iba pang improvement kan universidad segurado apektado huli kan dakulang fondo an ginunting kan congreso.


Si Camarines Sur 3rd district Congressman asin assistant minority leader Gabby Bordado Jr asin Kabataan Party list Representative Raoul Manuel naghurot sa saindang pag-iriba sa 19th Congress na dapat ibuelta an bilyones peso na budget cuts sa mga SUC’s asin UP-Philippine General Hospital.


An duwang lehislador nanindugan na kaipuhan ibalik an fondo nganing mas maging epektibo an edukasyon para sa jovenes.


Dinagdag pa ni Conag kun paagihon sa supplemental budget an hahagadon na fondo abalang marhay huli ta maagi pa sa congreso matatapos na an taon pendiente pa giraray asin an ano man na proyekto dai maiimplementar.


An CBSUA kabale sa top ten na SUC’s na kinaltasan nin dakulang fondo.


BORDADO KINULIT AN HOUSE SPEAKER, IBALIK AN BUDGET CUTS SA SUC’s


Sa saiyang ‘‘final message’’ sa national budget hearing, sinabi kaini ‘‘Good evening Mr. Speaker. I am voting YES for the approval of the P5.668 trillion budget for 2023. But, Mr. Speaker, I am appealing to the concerned agencies and entities to facilitate the additional budgetary allocation to all departments identified in the period of interpellation, particularly the Department of Education for special children project, the STATE UNIVERSITIES AND COLLEGES, the DSWD, for the 4Ps beneficiaries; the DoTc for the active transport, service contracting, and the public utility vehicle modernization program, DOH for the additional salaries of health care workers, the Philippine national railways for the immediate return of the once legendary Bicol Express.’’ Alagad afuera pa kaini igwa pang ibang mga department na binawasan nin dakulang fondo hinurot na dapat ibalik giraray. Sabi sa FB Post kan congresista.


Mayo pang reaksyon an Board of Trustees kan CBSUA sa Pili, Camarines Sur sa 51 por ciento budget cuts kan congreso para sa prosupuesto sa 2023 mantang naglalaom na posibleng magkaigwa pa nin bagong desisyon an 19th Congress. (dpa)

Comments


bottom of page