top of page

SA MAHARLIKA ISYU: Manipesto ni Bordado suportado kan dating BLGF director, consejal

Apesar kan pagkontra kan publico sa mga negativong komentaryo, an Maharlika Wealth Fund (MWF) an naaprubaran tolos sa ika-duwa asin ika-tolong pagbasa sa Camara-Baja sa votong 279 kontra 6 sa laog sana nin 17 diyas.

Alagad digdi sa Ciudad nin Naga, sarong dating director kan Bureau of Local Government Finance, CPA-Lawyer asin miembro kan Sangguniang Panglungsod Consejal Salvador Del Castillo nagpahayag nin suporta sa manipestasyon ni Camarines Sur 3rd District Congressman Gabriel H. Bordado Jr.


Sa entrevista kan Bicol Mail saiyang sinabi ‘‘I fully agree with Cong Gabby on his manifestation on the MWF. First we don’t have a surplus. In fact, lubog sa utang an gobierno nasyonal, 2nd, timing. May trust issue sa mga author pati na sa presidente dahil an saindang familia involved sa corruption. 3rd, sa napabaritang imposable penalty hababaon sa mga opisyal na ma manage kan fondo, kun sakaling may mga pagbalga na maginibo.


Kun mayo lang yan mga issue na yan, pati na an grabing corruption sa gobierno nasyonal, okay kuta yan arog kan sa Norway.


Igwa pang dapat ikonsiderar, sa irisay an mga potential investor dyan sa wealth fund, considering an trust issue sa mga nakatukaw ngonian’’.


An betaranong consejal dawa yaon sa grupo kan ‘‘ubos-kun-ubos gabos kan gabos’’ natindog bilang oposiyon nganing kontrahon an ordinansa o resolusyon kun dai siya uyon asin bakong maninigong aprubaran.


Afuera sa consejal dakul pang mga negativong komentaryo sa social media orog na sa isyu sa kurapsyon sa mga opisyales nasyonal mala ngani si milyones pesos na dai pigbabayadan na buwis sa gobierno. Dakul pang mga FB post na nagsasaludo sa congresista kan tercer distrito asin naghahapot man ano nangyari sa ibang mga Bicolanong lihislador.


An mga pensiodado kan GSIS asin SSS nagpasalamat sa mga kritiko sa MWF matapos isibog kan mga proponente kan bill an planong maghugot nin fondo sa sinambit na ahencia nganing gamiton sa Maharlika. (dpa)

Bình luận


bottom of page