SA PEÑAFRANCIA FIESTA: Pagsukbit armas ibabawal

Sa pagseguro kan seguridad sa maabot na Festividad ni Ina sa bulan nin Septiembre, an Sangguniang Panlungsod kan Ciudad nin Naga nagpasar nin resolusyon nganing estrictong iimplementar an gun ban.


Sa sesyon kan SP kan Martes, Hulyo 26, 2022 pinangenotan ni Consejal Omar Buenafe an pagpasar nin resolusyon na naghahagad nin permiso ki PNP Chief Director General Victor Danao nganing ipasunod an gun ban poon sa Septiembre 5 hasta Septiembre 22.


Alagad si planong resolusyon na naghuhurot sa mga telephone company para sa shut down kan signal dai paman kabale.


Malima nang taon nagpapasar kan sinambit na mga resolusyon an Sanggunian Panlungsod para sa seguridad sa piglalaoman na labi sa on milyon na mga deboto ni Ina sa ciudad sa panahon kan Peñafrancia fiesta.


Nagtutubod an SP na aaprubaran giraray an saindang kahagadan sa PNP central office nganing liwat iimplementar an gun ban.


Dawa nagseguro na an Camp Simeon Ola sa pamamayo ni BGen Mario Reyes na mapadara nin augmentation force sa panahon kan Peñafrancia fiesta makakatabang an gun ban nganing maseguro an paz y orden.


An Naga City Police Office (NCPO) nag-aandam kan saindang plano para sa maabot na kafiestahan ni Ina orog na sa gigibohon na traslacion asin fluvial procession.


Bako lang augmentation force kan PNP an maabot maging hale sa 9th Infantry Division kan Philippine Army. (dpa)